काठमाडौं (हाम्रो खेलकुद)– फादर मोरान मेमोरिअल फुटबल प्रतियोगिताको तेस्रो दिन बुधबार झापा महेशपुरको मोरान मेमोरिअल, सेन्ट जेभियर्स जावलाखेल ‘ए’ र सेन्ट जेभियर्स गोदावरी ‘ए’ विजयी भएका छन् ।
झापाको मोरानले आयोजक सेन्ट जेभियर्स स्कुल गोदावरी ‘बी’लाई १–० ले हराएको छ । खेलमा एकमात्र गोल युवराज राजवंशीले गरेका थिए । युवराजनै खेलको म्यान अफ दी म्याच घोषित भए ।
सेन्ट जेभियर्स जावलाखेल ‘ए’ले बुद्धनगरको रोजबड स्कुललाई ४–२ ले पराजित गर्यो । विजेता टोलीका लागि आशुतोष यादवले ह्याट्रिक गरे भने अर्को गोल सक्षम थापा गोल गरे । रोजबडका लागि एक मात्र गोल आर्यन मास्केले गरे । ह्याट्रिक गरेका आशुतोष म्यान अफ दी म्याच चुनिए ।
दिनको अन्तिम खेलमा आयोजक सेन्ट जेभियर्स ‘ए’ले चोभारको मोर्डन इन्डियन स्कुललाई २–० ले हरायो । जसमा अभिनव विष्ट र सानसङ बुढाले गोल गरे । सानसङनै खेलको म्यान अफ दी म्याच घोषित भए । २२ औं संस्करणको फादर मोरान मेमोरिअल फुटबलमा १५ टोलीको सहभागिता रहेको छ ।
