काठमाडौं (हाम्रो खेलकुद)– नेपाली राष्ट्रिय फुटबल टोलीका नम्बर १ गोलकिपर किरण चेम्जोङ माल्दिभियन क्लब टिसी स्पोर्टससँगको पहिलो सिजन विट मार्ने क्रममा रहेका छन् । गत वर्ष पुसमा टिसीमा आबद्ध भएको केहि समयमै किरण सम्मिलित टोलीले बंगलादेशमा शेख कमाल अन्तर्राष्ट्रिय क्लब च्याम्पियनसिप जितेको थियो ।
प्रेसिडेन्ट्स कप फाइनलको एक दिन अघि टिसी स्पोर्टस् का खेलाडीले नदि किनारमा समय विताएका थिए ।
त्यसयता टोलीले कुनै उपाधि जित्न सकेको छैन । माले लिगमा चौथो स्थानमा रहँदै धिवेही प्रिमियर लिग (डिपिएल) का लागि छनोट भएको थियो । केहि दिन अघि सम्पन्न डिपिएलमा टिसी दोस्रो भएको थियो । टोली एफए कपमा पनि उपाधि विमुख भएको थियो । टिसी फाइनलमा न्यू रेडियन्टसँग पराजित भएको थियो ।
सिजनको अन्तिम दिन आज टिसी स्पोर्टससँग अर्को उपाधि थप्ने मौका मिलेको छ । तर, टोली त्यसमा कति खरो उत्रन्छ त्यो भने आज हुने फाइनलपछि थाहा लाग्नेछ । सिजनको अन्तिम खेलका रुपमा आज हुने पे्रसिडेन्ट्स कपको फाइनलमा टिसीले न्यू रेडियन्ट क्लबसँग प्रतिस्पर्धा गर्दैछ ।
प्रेसिडेन्ट्स कप फाइनलको एक दिन अघि टिसी स्पोर्टस् का खेलाडीले नदि किनारमा समय विताएका थिए ।
न्यू रेडियन्ट त्यहि टोली हो जसले डिपिएल र एफए कप उपाधि जितिसकेको छ । त्यो उपलब्धी टिसीलाई नै पछि पारेर प्राप्त गरेको हो । टिसी एएफसी कपका लागि छनोट भएपनि त्यो भने नयाँ सिजनमा मात्र खेल्नुपर्ने हुन्छ । यो सिजन न्यू रेडियन्टसँग अहिलेसम्म खेलेका छ खेलमा टिसीले सबै खेल गुमाइसकेको छ । जसमा माले लिगमा २ खेल र डिपिएलमा २ खेल छन् । बाँकी दुई नकआउट फुटबलमा पराजित भएको हो ।
न्यू रेडियन्टले टिसीलाई एफए कपको फाइनल र प्रेसिडेन्ट्स कपको पहिलो सेमिफाइनलमा पेनाल्टी सुट आउटमा हराएको थियो । आज एक पटक अहिले सम्मको सबै हारको बदला लिदै वर्षको दोस्रो उपाधिका साथ सिजनको अन्त्य गर्ने अवसर टिसी स्पोर्टस्सँग रहेको छ । त्यसमा किरणसहितको टोली खति खरो उत्रन्छ त्यसका लागि आज साँझसम्म कुर्नुपर्ने हुन्छ ।
