म्यानचेस्टर (एजेन्सी) – प्रिमियर लिगको अग्रस्थानमा रहेको म्यानचेस्टर सिटीले गए राति टोटनह्यामलाई ४-१ ले हराएको छ । सिटीको जितमा रहिम स्टेर्लिङले २ गोल गरेका थिए ।
खेलको १४ औं मिनेटमा इल्के गुन्डगोनको गोलमार्फत सिटीले खेलमा अग्रता लिएको थियो । त्यस्तै दोस्रो हाफको ७० औं मिनेटमा केभिन डे ब्रुयनले गोल गर्दै सिटीको अग्रता दोब्बर बनाए ।
त्यस्तै अर्का मिडफिल्डर रहिम स्टेर्लिङले ८० औं र ९० औं मिनेटमा गोल गर्दै स्कोर ४-० पुर्याएका थिए । भ्रमणकारी टोली टोटनह्यामका लागि खेलको अन्तिम मिनेटमा क्रिस्टियन एरिक्सनले एक सान्तवना गोल गरेका थिए ।
यस जितसँगै सिटी एक खेल कम खेलेको प्रतिद्वन्दि म्यानचेस्टर युनाइटेडभन्दा १४ अंकले अगाडि पुगेको छ । टोटनह्याम भने यस पराजयसँगै तालिकाको सातौं स्थानमा झरेको छ ।
