न्युकासल (एजेन्सी) – गए राति प्रिमियर लिगमा शीर्ष स्थानमा रहेको म्यानचेस्टर सिटीले न्युकासल युनाइटेडलाई १-० ले हराएको छ । सो जितमा म्यानचेस्टर सिटीका फरवार्ड रहिम स्टेर्लिङले गोल गरेका थिए ।
खेलभरी पुरै पकड बनाएको सिटीको जित भने संघर्षपूर्ण रह्यो । सिटीले खेलभरी २१ प्रहार गरे पनि केभिन डे ब्रुयनको पासमा स्टेर्लिङले ३१ औं मिनेटमा गरेको गोल नै निर्णायक बन्यो ।
यस जितसँगै म्यानचेस्टर सिटीले आफ्नो विजयी यात्रालाई १८ खेलमा लम्ब्याउन सफल भयो । त्यसतै सिटी अंक तालिकाको अग्रस्थानमा १५ अंकले अगाडि पुगेको छ । यसैगरी न्युकासल भने १५ औं स्थानमा यथावत छ ।
