पोखरा (हाम्रो खेलकुद)– पोखरामा जारी १६ औं आहा रारा गोल्ड कपको पहिलो क्वार्टरफाइनलमा शनिबार बंगलादेशको उत्तर बरिन्धाराले सुदुरपश्चिम ११ लाई २–१ ले पराजित गर्यो । खेलको अन्तिम समय भने तनाबग्रस्त रह्यो । खेलको १८ औं मिनेटमा फिफा रेफ्री श्रवण लामा चोटका कारण बाहिरिनु परेपछि उनको स्थानमा अर्का फिफा रेफ्री सुदिश पाण्डेले खेलमा जिम्मेवारी सम्हाले ।

प्रतियोगिताको खेल तालिका र अहिलेसम्मको नतिजा हेर्नुहोस 

खेलको दौरान खेलाडीलाई पटक पटक रिस सम्हाल्न चेतावनी दिएका सुदिशले दोस्रो हाफको इन्जुरी समयमा बंगलादेशी क्लबको खेलाडी स्याला सोन्लेमानेलाई बुक गरे । इन्जुरी समयको पाँचौ मिनेटमा स्यालाले पुनः पहेलो कार्ड पाएपछि खेल तनाबग्रस्त भयो ।

बरिन्धाराका खेलाडीले एक पछि अर्को गर्दै पहेलो कार्डको सामना गरे । आक्रोशित खेलाडीले सुदिशलाई घेर्दै धकेले । खेल अवधी भर सुदीशले बरिन्धाराका खेलाडीलाई ६ पहेलो कार्ड र दुई रातो कार्ड देखाए । सुदूरका दुई खेलाडी पनि बुक भए ।

खेलपछि पत्रकारसँग बोल्दै बंगलादेशी क्लबका प्रशिक्षक र अफिसियलले रेफ्रीले पक्षपात गरेको धारणा दिए । तर सुदूरपश्चिमको प्रशिक्षण सम्हालेका क्लबका अध्यक्ष सुरेश हमाल भने रेफ्रीमाथि आक्रोश पोखरेकाले रेफ्रीले सहि निर्णय लिएको बताए ।

हेर्नुहोस् खेलपछि दुवै पक्ष्यको धारणा

बंगलादेश प्रशिक्षक र अफिसियल

सुदुरका प्रशिक्षक