लन्डन  (एजेन्सी) – योर्गेन क्लोपको टोली लिभरपुलले च्याम्पियन्स लिग फाइनलमा बेहोरेको हार समर्थकका लागि दुखदायक थियो भने अब त्यस हारलाई भुल्दै प्रिमियर लिगको यस संस्करणमा उपाधि जित्ने सुनौलो मौका रहेको छ ।नाबी केइटा र फाबिन्हो जस्ता खेलाडी टोलीमा भित्रिनु र मोहम्मद सलाहको सुरुवात देखि नै उपस्थिति रहनुले टोलीको लाइन अप अझ मजबुत बनाएको छ।

लिभरपुल फुटबल क्लब

पछिल्लो सिजन – चौथो स्थान

भित्रिएका मुख्या खेलाडीहरु : नाबी केइटा, फाबिन्हो, जेर्डान साकिरी, एलिसन बेक्कर, आईज्याक क्रिस्टी

बाहिरिएका मुख्य खेलाडीहरु : एम्रे च्यान, जोर्डन विलियम्स, जोन् फ्लानगन, ड्यानी वार्ड

मुख्य खेलाडी : मोहम्मद सलाह

टोलीमा गहिराई : लिभरपुलमा नयाँ आएका खेलाडीहरुले टोलीमा अझ गहिराई थपेका छन् । केइटा र फाबिन्हो सुरुवाती ११ मा स्थान बनाउने देखिएपनि मिडफिल्डमा जोर्डन हेन्डरसन , जेम्स मिल्नर जस्ता खेलाडीले बेन्चलाई अझ मझ्बुत गर्ने छन् । मोहम्मद सलाह र रोबर्टो फिर्मिनोले खेल नगुमाउने निश्चित रहंदा जेर्डान साकिरीले समेत गेम चेन्जरको भूमिका निभाउन सकिने देखिन्छ ।

भित्रि रक्षापंक्तिको सुक्ष्म बुझाइ : लिभरपुलको अन्य ठुला कल्ब बिरुद्धको डिफेन्स प्रदर्शन रार्मो रहेपनि अन्तिम सिजन घरेलु मैदानमा वेस्ट ब्रोम विरुद्धको बराबरी खेलले टोलीको डिफेन्स युनिटमा समस्या देखिएको थियो । यस सिजन भने सो समस्या समाधान गर्नमा केइटाको भूमिका महत्वपूर्ण रहन सक्छ । उनीमा रचनात्मक ढंगले ड्रीब्लिङ र पासिङ गर्ने क्षमता रहेको छ ।

डिफेन्स अर्डरमा ल्याउनु : लिभरपुलले अन्तिम सिजन म्यानचेस्टर सिटि बाहेक अन्य टोलीलाई सहजै पराजित गरेपनि ३८ गोल खाएको थियो । यसले गर्दापनि टोलीको डिफेन्समा समस्या रहेको प्रष्ट हुन जान्छ । भर्जिल भान डाइकको टोलीमा आगमनसँगै यो समस्याको समाधान हुने आशा गरिएको छ ।

विश्लेषक फिल थोम्सन भविष्यवाणी : मलाई क्लोपले जे गर्न खोजिरहेका छन् त्यो एकदम ठिक लागेको छ । उनि अगाडीका ३ खेलाडीबाट गोल खोजिरहेका छन् । साकिरी र फाबिन्होको आगमनले त्यो क्षेत्र अझ मजबुत बनेको छ । लाल्लाना समेत टोलीमा फर्किएका छन् । यसले गर्दा लिभरपुल अझ सशक्त टोली बनेको छ । म लिभरपुलले ह्यारी मगाएर लिएको हेर्ने पक्षमा छु ।