म्याड्रिड (एजेन्सी) – क्रिस्टियानो रोनाल्डोले ११२ मिलियन युरोमा रियल म्याड्रिड छाडेर युभेन्ट्स गएसँगै धेरै समर्थक आश्चर्यचकित बनेका थिए। तर रियलमा उनको बढ्दो असन्तुष्टिका कारण रोनाल्डोको युभेन्ट्स जानु अपेक्षाकृत थियो ।

लुका मोड्रीचमा बिषयमा भने सो कुरा लागु नहुन सक्छ । इन्टर मिलानले मोड्रीचलाई अनुबन्धन गर्ने प्रयास गरिरहेको छ । यसैबीच मोड्रीच स्वयंले समेत सिरी एमा जाने इच्छा देखाएको खबर बाहिरिएको छ । फ्लोरेन्टिनो पेरेजले भने मोड्रीचलाई खरिद गर्न  ७५० मिलियन युरो तिर्नु पर्ने जनाएका छन्। यो रकम धेरैका लागि सोच्नै नसक्ने हुनसक्छ । मोड्रीचले म्याड्रिडबाट ३ लगातार च्याम्पियन्स लिग जितेका छन् भने रुसमा सम्पन्न विश्वकपको सर्वोत्कृष्ट खेलाडी समेत बनेका थिए ।

सन् २०१२ मा टोटनह्यामबाट म्याड्रिड आएका मोड्रीचले बितेको ६ बर्षमा १४ मुख्य उपाधि जितेका छन्। यध्यपी आश्चर्यजनक तथ्य के छ भने ला-लिगामा रियल म्याड्रिडले मोड्रीच बिना उत्कृष्ट प्रदर्शन गरेको छ । मोड्रीच टोलीमा हुँदा खेलेका १६६ खेलमा रियलले ११५ पटक ३ अंक लिन सफल बनेको छ। मोड्रीच हुँदा रियलले औसतमा ६९ % खेल जितेको तथ्य छ। तर मोड्रीच नहुँदा भने रियलले ६२ मध्ये ४७ खेल जितेको छ जुन ७६ % औसत समेत हो। मोड्रीच संग रियलले औसतमा प्रति खेल २.२ अंक जितेको छ भने उनी नहुँदा औसतमा प्रति खेल २.४ अंक जित्न सफल बनेको छ।

मोड्रीच लोपेटेगुईको रणनीतिमा नमिल्न सक्छन :

गत सिजनको च्याम्पियन्स लिग जितेसंगै प्रशिक्षक जिनेदिन जिदानेले रियल छाड्ने निर्णय गर्दा धेरैले रियल म्याड्रिडलाई नयाँ टोलीमा परिणत गर्नु पर्ने समय आएकाले उनले टोलि छाडेको धारणा राखेका थिए। र अब आएर रियलको टोलीलाई नयाँ रुप दिने जिम्मा प्रशिक्षक लोपेटेगुईको काँधमा आएको छ।

जिदानेको प्रशिक्षणमा बल आफ्नो हाफमा राख्नको सट्टा छिटो अट्याक बनाउने रणनीति देखिन्थ्यो भने लोपेटेगुईभने बल आफ्नो पोजेसनमा राख्ने कुरामा बिश्वास गर्द्छन्। रियलको टोलीमा बल होल्ड गर्ने मिडफिल्डर मोड्रीच भन्दा अरु धेरै रहेका छन् । ४-२-३-१ को फर्मेसनमा टोनी क्रुस र कसिमिरोलाई दुईतिर खेलाउन रुचाईन्छ। इस्को, एसेन्सियो र बेललाई अट्याकको जिम्मा दिंदा टोलीको सुरुवाती ११ मा मोड्रीचले स्थान नपाउन सक्छन्।

मोड्रीचले आफ्नो भविष्य सोच्नु पर्ने हुन सक्छ :

कुनै खेलाडीको ट्रान्सफर हुन लाग्दा उसको रकम महत्वपूर्ण हुन्छ। र आफ्नो करियरको अन्तिम छेउमा रहेको कुनैपनि खेलाडीले आफ्नो मूल्य बढाउने यो राम्रो मौका हुन्छ । रियलको टोलीमा मोड्रीचको ठाउँ लिने नयाँ प्रतिभा समेत तयार छन्। लोनमा चेल्सी गएका मटियो कोभासिच रियल फर्केपछि मोड्रीचको स्थान लिने एक सम्भाव्य खेलाडी हुन्। डेनी सेबल्लोस समेत आफ्नो मौका कुरेर बसेका छन्।

म्याड्रिडले नयाँ खेलाडी लिने हो भने सेमत समय उपयुक्त रहेको छ। बायर्न म्युनिखका थिएगो अल्कनटराको नाम म्याड्रिडसंग जोडिएर आउन थालेको छ। त्यस बाहेक समेत मोड्रीचलाई टोलीबाट हटाउने हो भने टोलीमा नेईमार, एम्बाप्पे र हजार्डको लागि स्थान बन्न सक्छ।

यद्यपि रियलले यी खेलाडीलाई बोलि लगाउन भने २०१९ सम्म कुर्नुपर्ने छ। यस बर्षको बेलन डी’ओरका प्रवल दावेदार रहेका मोड्रीचलाई हटाएर अन्य कुनै खेलाडी लिन भने टोलीलाई सजिलो हुने छैन।