नेपाल विरुद्ध प्यालेस्टाइन – सम्पूर्ण जानकारी

काठमाडौँ (हाम्रो खेलकुद) – बंगलादेशमा जारी बंगबन्धु कप फुटबल प्रतियोगिताअन्तर्गत समूह चरणको अन्तिम खेलमा शनिबार (आज)नेपालले प्यालेस्टाइनको सामना गर्दैछ । प्रतियोगिताको साविक विजेता नेपाललाई सेमिफाइनलमा पुग्न २ गोल वा सो भन्दा बढीको जित आवश्यक छ ।

नेपाल रहेको समूह ‘ए’ मा ताजिकिस्तान र प्यालेस्टाइन छन् । दुई समूहका समूहका शीर्ष दुई टोलीले सेमिफाइनलमा स्थान स्थान बनाउने छ । प्यालेस्टाइनले बिहीबार ताजिकिस्तानलाई २-० ले हराएको थियो । नेपाल पनि मंगलबार ताजिकिस्तानसँग २-० ले नै पराजित भएको थियो ।

खेल हुने समय, स्थान र लाइभ कसरी हेर्ने जस्ता सम्पूर्ण जानकारी पाउनुहोस।

खेल हुने समय : स्थानिय समयअनुसार साँझ ६ः३० बजे, नेपाली समयानुसार साँझ ६ः१५ बजे

खेल हुने स्थान : सिलेटस्थित रंगशाला

लाइभ कसरी हेर्ने : माइकुजुबाट अनलाइन स्ट्रिमिङ्ग हेर्न सकिने । यहाँ हेर्नुहोस।

नेपाली टोलीका कार्यवहाक मुख्य प्रशिक्षक बालगोपाल महर्जनले नेपाली टोली जितको लागि मैदानमा उत्रने बताएका छन् । टोलीमा केहि चोटको समस्या भएपनि उनले वैकल्पिक खेलाडी खेल्न तयार रहेको बताएका छन् । नेपालले पछिल्लो खेलबाट सुरुआती रोजाईमा केहि परिवर्तन गर्ने पक्का छ ।

नेपालले यस खेलमा कम्तिमा २ गोलको जित दर्ता गरेमात्र सेमिफाइनल पुग्ने सम्भावना जीवित रहन्छ । बराबरी वा हार भएको खण्डमा प्यालेस्टाइन समूह विजेता र ताजिकिस्तान समूह उपविजेता बन्नेछन् । अर्को समूहबाट फिलिपिन्स समूह विजेता र बंगलादेश उपविजेता बनिसकेका छन् ।