7 years ago
October 10, 2018
काठमाडौं (हाम्रो खेलकुद) – सहिद स्मारक ए डिभिजन लिग अन्तर्गत बुधबार च्यासल युवा क्लब र मछिन्द्र फुटबल क्लबको खेल गोलरहित बराबरीमा टुङ्गिएको छ ।
निकै प्रतिस्पर्धात्मक पहिलो हाफमा च्यासल सातौं मिनेटमा अभागी बनेको थियो । विश्व अधिकारीले पेनाल्टी क्षेत्र भित्रबाट गरेको प्रहार डिफेन्डरलाई लाग्दै क्रसबारमा ठोक्किएको थियो । लगत्तै सन्त बहादुर गुरुङले वन भर्सेस वनको स्थितिमा गोल गर्न सकेनन् । अमिर श्रेष्ठ र विमलकै वरपर रहेको च्यासलको अाक्रमणले गोल निकाल्न सकेन ।
दोस्रो हाफमा पनि च्यासलले सुरुवातदेखि दबाब कायम गर्यो । ५३ अौं मिनेटमा विमलले पेनाल्टी क्षेत्रको ठिक बाहिरबाट हानेको फ्रिकिक पोस्टको भित्री भागमा लागेर फर्किएको थियो । ६५ अौं मिनेटमा सजिन थापामगरले पेनाल्टी क्षेत्रभित्र पाएको खुला प्रहारलाई पोस्टको दिशा दिन सकेनन् ।
च्यासलले ७६ अौं मिनेटमा अग्रता लिने सुवर्ण अवसर गुमायो । हेमन्त थापामगरको पेनाल्टी प्रहार गोलरक्षक दीप कार्कीले बचाए । विमललाई अन्जन देवकोटाले पेनाल्टी क्षेत्रभित्र लडाएपछि च्यासलले पेनाल्टी पाएको थियो । च्यासलले लगातार दबाब कायम गरेपनि गोल गर्न भने सकेन ।
December 9, 2025
एजेन्सी – म्यानचेस्टर युनाइटेडले वुल्भरह्याम्पटन वान्डरर्स (वुल्भ्स) लाई सोमवार ४-१ ले हराउँदै प्रिमियर लिग अंकतालिकाको छैटौँ स्थानमा उक्लिएको छ। मोलिनक्समा भएको खेलको पहिलो हाफमा रुबेन आमोरिमको टोलीले राम्रो सुरुआत गरेको थियो। २५औँ मिनेटमा कप्तान ब्रुनो फर्नान्डेसको गोलले युनाइटेडले अग्रता लियो । तर इन्जुरी समयको दोस्रो मिनेटमा जाँ रिक्नर बेलगार्डले गोल गरेपछि पहिलो १-१ को बराबरीमा […]
December 8, 2025
काठमाडौं (हाम्रो खेलकुद)- मनाङ मर्स्याङ्दी क्लबले अर्को महिना सुरु हुने राष्ट्रिय लिग खेल्नका लागि अखिल नेपाल फुटबल संघ (एन्फा) ढिला गरि दर्ताको गरेको छ । पुस २५ गते सुरु गर्ने भनिएको राष्ट्रिय लिगका लागि एन्फाले आइतवार (मंसिर २१) गतेसम्मको समय तोकेको थियो। एन्फाका सहायक महासचिव समेत रहेका विजय घलले क्लब दर्ताका लागि आज एन्फालाई पत्र […]
December 8, 2025
काठमाडौं (हाम्रो खेलकुद)- अर्को महिना सुरु हुने राष्ट्रिय लिग खेल्नका लागि १६ क्लब दर्ता भएका छन्। अखिल नेपाल फुटबल संघ (एन्फा) ले राष्ट्रिय लिगमा लागि आइतवारसम्म दर्ता गर्न समय तोकेको थियो। राष्ट्रिय लिग पुस २५ गतेदेखि सुरु हुने बताइएको छ। त्यस सहिद ए डिभिजन सबै भन्दा बढी जित्ने टोली मनाङ मर्स्याङ्दी क्लब र हिमालय शेर्पा […]
