default_image

5 years ago

November 12, 2018

प्रकाश मनाङ मर्स्याङदीमा अनुबन्धित

काठमाडौं (हाम्रो खेलकुद) – मिडफिल्डर प्रकाश बुढाथोकीलाई ए डिभिजन क्लब मनाङ मर्स्याङदी क्लबले लिगको लागि अनुबन्धन गरेको छ । भुटानमा सम्पन्न राष्ट्रिय लिगमा पारो युनाइटेडबाट खेलेका प्रकाश यसै महिना नेपाल फर्केका हुन् । प्रकाशले भुटानमा राम्रो प्रदर्शन गर्दै पारोलाई पहिलो सहभागितामै उपविजेता बन्न मदत गरेका थिए । उनी लिगको एक खेलमा म्यान अफ द म्याच […]

28 views

0 Bookmark

काठमाडौं (हाम्रो खेलकुद) – मिडफिल्डर प्रकाश बुढाथोकीलाई ए डिभिजन क्लब मनाङ मर्स्याङदी क्लबले लिगको लागि अनुबन्धन गरेको छ । भुटानमा सम्पन्न राष्ट्रिय लिगमा पारो युनाइटेडबाट खेलेका प्रकाश यसै महिना नेपाल फर्केका हुन् ।

प्रकाशले भुटानमा राम्रो प्रदर्शन गर्दै पारोलाई पहिलो सहभागितामै उपविजेता बन्न मदत गरेका थिए । उनी लिगको एक खेलमा म्यान अफ द म्याच पनि भएका थिए । अन्तिम खेलमा जित दर्ता गर्न नसक्दा पारो उपविजेतामा सिमित भएको थियो । उनले  भुटान बसाइमा क्लबका लागि ३ गोल पन गरे । प्रकाश यसअघि नेपालमा थ्री स्टार क्लबसँग अनुबन्धित थिए । राष्ट्रिय टोलीका सदस्य रहिसकेका प्रकाश पछिल्लो समय चोटका कारण टोलीमा परेका छैनन् ।

सन् २०१६ को दक्षिण एसियाली खेलकुदअन्तर्गत फाइनल खेलमा भारतविरुद्ध प्रकाशले फ्रिकिकमार्फत बराबरी गोल फर्काएका थिए । उनी बंगबंधु कप जित्ने टोलीका पनि सदस्य थिए । त्यसपछि भएको एएफसी सोलिडारिटी कपमा भने चोटका कारण उनी राष्ट्रिय टोलीमा पर्न सकेका थिएनन् । त्यसयता घरेलु प्रतियोगिता नहुँदा उनी राष्ट्रिय टोलीमा पर्न सकेका छैनन् ।

प्रकाशले राष्ट्रिय टोलीमा फर्कने लक्ष्यसहित मनाङमा अनुबन्धित भएको हाम्रोखेलकुदलाई बताए । ‘ मैले चोटका कारण राष्ट्रिय टोलीमा पर्न सकिन । तर अहिले राम्रो लयमा छु । भुटानमा पनि लिग च्याम्पियन हुने नजिक पुगेर सफल भएनौं । मनाङमा अनुबन्ध भएपछि अब राष्ट्रिय टोलीमा फर्कने लक्ष्य लिएको छु,’ उनले भने । प्रकाशले मनाङसँग हाल ६ महिनाको लागि अनुबन्धन गरेका हुन् । यसअघि फ्रेन्ड्स क्लबबाट ए डिभिजन लिग फुटबल खेलिसकेका प्रकाशले मोफसलका प्रतियोगिताहरुमा संकटाबाट पनि खेलेका थिए ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.