प्राह (एजेन्सी) – युइएफए नेसन्स लिग फुटबलमा चेक रिपब्लिकले स्लोभाकियालाई १–० ले पराजित गरेको छ । इडेन एरिनमा प्राहमा सोमबार राति भएको खेलमा प्याट्रिक चिकले गरेको गोल नै चेकको जितमा निर्णायक बन्यो ।

आयरल्यान्डविरुद्ध सट प्रहार गर्दै डेनमार्कका क्रिस्टियन इरिक्सन

प्रतिस्पर्धात्मक बनेको खेलको ३२औं मिनेटमा प्याट्रिकले गोल गर्दै घरेलु टोलीलाई अग्रता दिलाएका थिए । त्यसपछि दुवै टोलीले गोल गर्ने प्रयास गरेपनि थप गोन निस्कन नसक्दा प्याट्रिकको गोल नै चेकको जितमा निर्णायक बन्यो ।

जितपछि नेसन्स लिग बी को समूह १ बाट चेक रिपब्लिकले प्ले अफमा स्थान बनाउन सकेन । चेकले ४ खेलबाट ६ अंकमात्र जोड्यो । यो समूहबाट ९ अंक जोडेको युक्रेन अर्काे चरणमा प्रवेश गर्न सफल हुदा स्लोभाकिया रेलिगेसनमा पर्यो ।

सोमबार राति नै भएको अर्काे खेलमा आयरल्यान्डसँग गोलरहित बराबरी खेलेपनि डेनमार्क नेसन्स लिग बी को समूह चारबाट समूह विजेताको रुपमा अर्काे चरणमा प्रवेश गर्न सफल भयो । ६ अंक जोडेको वेल्स दोस्रो चरण प्रवेश गर्न नसक्दा आयरल्यान्ड रेलिगेसनमा प¥यो ।

सोमबार राति नै भएको खेलमा नर्वेले साइप्रसलाई २–० ले पराजित गर्दै लिग सी को समूह ३ बाट अर्काे चरणमा प्रवेश गर्न सफल भयो नर्वेले ६ खेलबाट १३ अंक जोड्यो । बुल्गेरिया र स्लोभेनियाले १–१ गोलको बराबरी खेल्दै अंक बाँडे ।

सोमबार राति नै भएको लिग डी को समुह ४ को खेलमा म्यासेडोनियाले जिब्राल्टारलाई ४–० ले पराजित गर्दै अर्काे चरणमा प्रवेश गर्न सफल भयो । लिचेस्टाइन र अर्मेनियाले २–२ गोलको बराबरी खेल्दै अंक बाँडे ।