default_image

5 years ago

December 13, 2018

बार्सिलोना १२ वर्षपछि बल पोसेसनमा पछाडि पर्यो

एजेन्सी – यूईएफए च्याम्पियन्स लिग अन्तर्गत बार्सिलोना र टोटेनहम हट्सपरबीचको खेल १-१ को बराबरीमा सकियो । बराबरी नतिजासँगै बार्सिलोना समूह विजेता र टोटेनहम उपविजेता बन्दै दोस्रो चरणमा प्रवेश गर्यो । टोटेनहमले क्लबको आधुनिक इतिहासकै उत्कृष्ट प्रदर्शन गर्दा दुर्लभ कीर्तिमान पनि रच्न सक्यो । च्याम्पियन्स लिगको नकआउट चरणमा पुग्न टोटेनहमलाई निकै कठिन समीकरणमा नतिजा हात पार्नुपर्ने […]

23 views

0 Bookmark

एजेन्सी – यूईएफए च्याम्पियन्स लिग अन्तर्गत बार्सिलोना र टोटेनहम हट्सपरबीचको खेल १-१ को बराबरीमा सकियो । बराबरी नतिजासँगै बार्सिलोना समूह विजेता र टोटेनहम उपविजेता बन्दै दोस्रो चरणमा प्रवेश गर्यो ।

टोटेनहमले क्लबको आधुनिक इतिहासकै उत्कृष्ट प्रदर्शन गर्दा दुर्लभ कीर्तिमान पनि रच्न सक्यो । च्याम्पियन्स लिगको नकआउट चरणमा पुग्न टोटेनहमलाई निकै कठिन समीकरणमा नतिजा हात पार्नुपर्ने थियो । इन्टर मिलानलाई पीएसभीले बराबरीमा रोकेपछि टोटेनहम अन्तिम १६ मा प्रवेश गरेको थियो । बार्सिलोनाले खेलमा अग्रता लिनका बाबजुद जित दर्ता गर्न सकेन । सँगसँगै खेलमा बार्सिलोना बल पोसेसनमा पनि पछाडी पर्यो ।

सन् २००६ डिसेम्बर यता बार्सिलोनाले पहिलो पटक च्याम्पियन्स लिगमा विपक्षी टोलीभन्दा कम बल पोसेसन राखेको थियो । त्यसबेला समूह चरणको खेलमा वेर्डर ब्रेमनविरुद्ध ४२ प्रतिशत बल पोसेसन राखेको थियो । मंगलबार भएको बराबरीमा बार्सिलोनाले ४८ प्रतिशत बल पोसेसन मात्र राख्न सकेको थियो ।

बार्सिलोनाले टोटेनहमविरुद्ध सुरुवाती रोजाईमा इभान राकीटिच, कार्लेस एलेना र आर्थरलाई उतारेको थियो । पहिलो पटक सँगै खेलिरहेका तीन मिडफिल्ड खेलाडीबीचको तालमेल नमिल्दा बार्सिलोनाले खेलमा पकड बनाउन सकेन । बार्सिलोनाले अधिकांश खेलमा बल पोसेसनमा बलियो पकड बनाउने गर्छ । पछिल्लो समय लिगमा अलाभेसविरुद्ध ७८.३ प्रतिशत र भ्यालेन्सियाविरुद्ध ७६ प्रतिशत बल पोसेसन बार्सिलोनाको पकडमा थियो ।

बल पोसेसनमा पकड बनाउनु बार्सिलोनाको परिचय नै बनेको छ । बार्सिलोनाले लामो समयदेखि यसैमा आधारित रहेर सफलता पनि हात पारेको छ । लिओनेल मेसीको खेल शैली पनि यस्तै रहेकाले उनले व्यक्तिगत रुपमा पनि सफलता हात पारेका छन् ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.