इटहरी (हाम्रो खेलकुद) – मदन भन्डारी स्मृति अन्तर्राष्ट्रिय आमन्त्रण इटहरी गोल्डकप फुटबल प्रतियोगिता आजबाट इटहरी रंगशालामा सुरु हुदैछ ।

इटहरी रंगशालमा आज हुने उद्घाटन खेलमा क्यामरुनको दाफिन्स फुटबल क्लब र मेची नेत्रालय काकरभिट्टा फुटबल टे«निङसेन्टरबीच खेल हुने खेल २ बजेपछि शुरु हुनेछ ।

क्यामरुनको दाफिन्स फुटबल टिमले नेपाल आइस सुदुपश्चिम खप्तड गोल्डकपमा पनि प्रतिस्पर्धा गरेका थियो । क्वाटरफाइनलको संकटाविरुद्धको खेलको सुरुमै गोल खाएपछि क्यामरुनी टोली पहिलो खेलमै पराजित भएको थियो । यता, मेची नेत्रालयले भने सेमिफाइनलसम्मको यात्रा तय गरेका थिए । यो खेलमा जित हात पार्ने टोलीले सेमिफाइनलमा स्थान बनाउनेछ ।

प्रतियोगितामा आइतबर ‘ए’ डिभिजन लिग च्याम्पियन मनाङले राष्ट्रिय जागृति क्लब इटहरीसँग खेल्नेछ । गतवर्षको विजेता रुस्लान थ्री स्टारले क्वाटरफाइनलमै आर्मीसँग सोमबार प्रतिस्पर्धा गर्नेछ । यि दुई टोली आजै १०औं रुस्लान सिमरा गोल्डकपको फाइनलमा प्रतिस्पर्धा गर्देछ ।

प्रतियोगितामा ८ टोलीको सहभागिता रहेको छ । सहभागी ८ टोलीलाई दुई समूहमा विभाजन गरिएको छ । समूह ‘ए’ मा क्यामरुनको दाफिन्स फुटबल टिम, मेची नेत्रालय काकडभिट्टा फुटबल ट्रेनिङ सेन्टर, आर्मी र थ्री स्टार रहेका छन् । समूह ‘बी’ मा मनाङ, राष्ट्रिय जागृति क्लब, नेपाल पुलिस क्लब र भुटान सिएफसी रहेका छन् ।

प्रतियोगिताको विजेताले १६ लाख रुपैया हात पार्नेछ । गतवर्ष थ्री स्टारले मनाङलाई १–० ले पराजित गर्दै उपाधि जितेको थियो । प्रतियोगिता १९ गतेसम्म सुनसरीस्थित इटहरी रंगशालामा हुनेछ ।