दिपक बोहोरा, पाँचथर

पाँचथर गोल्डकपको साविक विजेता समेत रहेको बिर्तामोड युनाइटेट वाइवाइ तेस्रो पाँचथर गोल्डकपको क्वाटरफाइनलबाटै बाहिरिएको छ ।

दार्जिलिङ युनाइटेडसँग ३–२ गोलले पराजित हुदै झापा बाहिरिएको हो । हारसंगै पाँचथर गोल्डकपको उपाधिमा ह्याट्रिक गर्ने झापाको सपना चकानाचुर भएको छ । पहिलो र दोश्रो पाँचथर गोल्डकपको उपाधि बिर्तामोड युनाइटेट झापाले नै जितेको थियो । दार्जिलिङको जितमा करन राईले २ गोल गरे । एक गोल भने झापाले उपहार दिएको थियो ।

सोमबार फिदिम मा.बि.को मैदानमा भएको प्रतिप्रर्धात्मक खेलमा दार्जिलिङले १० औं मिनेटमा झापाका दिलेन तोक्तामको आत्माधाती गोल उपहार पाउदै अग्रता लिएको थिए । कर्नरबाट आएको बललाई क्लियर गर्ने क्रममा दिलेनले आत्माघाती गोल गरेका थिए । २७ औं मिनेटमा करण राईले गोल गर्दै पाहुना टिमको अग्रता दोब्बर पारे । झापाका डिफेन्डर बिट भएको अवस्थामा करणले गोल गरेका थिए । ८० औं मिनेटमा झापाका दिलेन तोक्तामले गोल गर्दै झापालाई खेलमा फकाउने प्रयास गरे ।

थ्रोइनबाट आएको बललाइ दार्जिलिङका डिफ्रेन्डरले क्लियर गर्न नसक्दा लोक्तामले गोल गरेका थिए । चार मिनेट पछि झापाका बिशाल राईले दशनिय गोल गर्दै खेल बराबरीमा ल्याएका थिए । तर खेलको इन्जुरी समयमा पाहुना टिमका करणले गोल गर्दै दार्जिलिङलाई बिजयी गराए ।

पटक पटक पाएका अवसर गुमाउदा झापा निराश बन्न पुग्यो । खेलको ६ मिनेटमा बिशाल राईको शक्तिशालि प्रहार बिपक्षि किपरले मुस्किलले बचाएका थिए । ५५ औं मिनेटमा झापाका राजकुमार कन्दङबाले गोलको राम्रो अवसर गुमाए । दोश्रो हाफमा सुधारीएको प्रर्दशन गरे पनि झापाले हार टार्न सकेन । खेलमा दुई गोल गरेका दार्जिलिङका करण राई म्यान अफ दि म्याच हुदै नगद पाँचहजार जिते ।

खेलाडीहरुको टिमवर्क मिलेकाले सफलता हात परेको दार्जिलिङ प्रशिक्षक श्यापेन शेर्पाले बताए । मैदानको कराण खेलाडीहरु खुलेर खेल्न नसक्ला नतिजा बिपक्षिलाइ सुम्पनु परेको झापाका प्रशिक्षक सन्तोष राईले बताए ।
तेस्रो वाइवाइ पाँचथर गोल्डकपको बिजेताले नगद चार लाख प्राप्त गर्ने छ ।
वाईबाइ पाँचथर गोल्डकपको मंगलबार हुने खेल
जावला खेल युथ क्लब बिरुद्ध बिजय युथ क्लब हेतौडा