default_image

5 years ago

October 13, 2019

अन्तिम समयमा स्पेन जितबाट वञ्चित, स्वीडेनको शानदार जित

52 views

0 Bookmark

एजेन्सी – अन्तिम एक मिनेट सम्हालिन नसक्दा स्पेन युरो छनोट २०२० मा नर्वेसँग बराबरीमा रोकिएको छ । स्पेन घरेलु टोलीसँग १–१ गोलको बराबरीमा रोकिएको हो ।

नर्वे ओस्लोस्थित युलिभाल स्टेडियममा शनिबार राति भएको खेलमा स्पेनले घरेलु टोलीलाई लगातार दवावमा राखेपनि पहिलो हाफमा गोल गर्न सकेको थिएनन् । तर, दोस्रो हाफको शुरुमै सर्जियो बुस्केटको पासमा साउल निग्वेजको गोलबाट स्पेनले खेलमा शुरुवाती अग्रता बनाएको थियो ।

इन्ज्युरी समयको थप गरिएको पहिलो मिनेटमा नर्वेले पेनाल्टीको मौका पायो । स्पेनका गोलरक्षक किपा एरिजाबालगाले ओमार इलावडेलाओइलाई लडाएपछि रेफ्रीले नर्वेलाई पेनाल्टीको मौका दिएको थियो । जसमा जोसुवा किङ चुकेनन् । त्यसपछि थप गोल निस्कन नसक्दा खेल १–१ गोलको बराबरीमा सकियो ।

छनोटमा स्पेनको यो पहिलो बराबरी हो । बराबरीसागै स्पेनले समूह ‘एफ’ मा ७ खेलबाट १९ अंक जोडेर शीर्षस्थानमा रहेको छ । युरोमा छनोट हुन अब स्पेनलाई एक जितको खाचो छ । नर्वेमाथि जित निकाल्न सकेको भए स्पेन युरोकपको लागि छनोट हुने थियो ।

नर्वे १० अंक जोडेर चौथो स्थानमा छ । यही समूहको अर्काे खेलमा स्वीडेनले माल्टामाथ ४–० को शानदार जित निकाल्दै युरोकपमा छनोट हुने सम्भावना बलियो बनाएको छ । स्वीडेन ७ खेलबाट १४ अंक जोडेर दोस्रो स्थानमा रहेको छ ।

स्वीडेनको प्रभावशाली जितमा सेवास्टियन लार्सनले २ तथा मार्कुस ड्यानिल्सनले एक गोल गरे । एक गोल उपहार पाएको थियो ।

अर्काे खेलमा रोमानियाले फारोइ आइल्यान्डमाथि ३–० को जित निकालेको छ । जितसँगै रोमानिया १३ अंकसहित तेस्रो स्थानमा छ । माल्टा ३ अंकसहित पाँचौ तथा अंकविहीन आइल्यान्ड अंकविहीन हुदै पुछारमा छ ।

December 14, 2024

झापा कपमा आर्मीको विजयी सुरुवात

हिमाल खरेल,बिर्तामोड झापाको बिर्तामोडमा शनिवार सुरु भएको प्रथम झापा कप फुटबल प्रतियोगिताको उद्घाटन खेलमा त्रिभुवन आर्मी फुटबल क्लबले विजयी सुरुवात गरेको छ । आर्मीले मोरङको एलएक्स सिटी एफसीलाई ३-० गोल अन्तरले पराजित गर्दै क्वार्टर फाइनलमा स्थान सुरक्षित गरेको हो । आर्मीका लागि राष्ट्रिय टिमका स्ट्राइकरसमेत रहेका नियमित खेलाडी जिलेस्पीजंग कार्की, दिशान्त राई, निरज चौधरीले गोल […]

December 14, 2024

झापा कपको उद्घाटन खेल-आर्मी र एलएक्स सिटी खेल्ने

हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]

December 12, 2024

एनएसएलको तेस्रो संस्करण चैतमा

काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको‌ अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल‌ आयोजनाको अनुमतिपत्र […]

Success

Thank you for your time.