भरतपुर (हाम्रो खेलकुद) –  चितवन११ ले टुबोर्ग जेसीज विकास रनिङ शिल्डमा विजयी सुरुआत गरेको छ । आजबाट सुरु भएको प्रतियोगिताको उद्घाटन खेलमा चितवन–११ ले मकवानपुर–११ लाई ३–२ गोलअन्तगरले पराजित ग¥यो ।

पहिलो जितबाटै चितवन सेमिफाइनल  प्रवेश गरेको छ । समूह ‘ए’ मा रहेको चितवनले बाईको फाइदा लिएर एकै जितबाट सेमिफाइनल पुगेको हो । प्रतिस्पर्धात्मक खेलमा चितवनका तर्फबाट रुमेस बर्तौलाले दुई गोल गरे भने अर्को एक गोल अनिश श्रेष्ठले गरे ।

म्यान अफ दी म्याच रुमेसले पहिलो हाफको ३५ औं र दोस्रो हाफको पाँचौं मिनेटमा गोल गरेका हुन् । उनले नगद १० हजारसहित ट्रफी पाए । चितवनका तर्फबाट अनिसले दोस्रो हाफको २६ औं मिनेटमा गोल गरे ।

मकवानपुरका तर्फबाट  रवि भण्डारीले दोस्रो हाफको २३ औं र कृष्ण रुम्बाले २७ औं मिनेटमा गोल गरे । प्रतियोगितामा दोस्रो दिन भोलि नेपाल पुलिस क्लब र सरस्वती युवा क्लब काठमाडौंले प्रतिस्पर्धा गर्ने प्रचार संयोजक सूर्यभक्त अधिकारीले जानकारी दिए ।

यी दुईबीचको विजेता पनि सेमिफाइनल पुग्नेछ । नारायणगढ जेसीजको आयोजनामा भइरहेको प्रतियोगितामा चितवन जिल्ला फूटबल संघ सअआयोजक रहेको छ ।

प्रतियोगिता जित्नेले ६ लाख ६ हजार ६ सय ६६ रुपैयाँ, शिल्ड तथा उपविजेताले ३ लाख ३ हजार तीन सय ३३ रुपैयाँ पुरस्कार पाउने छ । प्रतियोगिताको चितवन क्षेत्र नम्बर २ का प्रतिनिधि सभा सांसद् कृष्णभक्त पोखरेलले उद्घाटन गरेका थिए ।

सो क्रममा विभिन्न झाँकी प्रस्तुत गरिएका थिए । उद्घाटन कार्यक्रम नारायणगढ जेसीजका अध्यक्ष विकासमान श्रेष्ठको अध्यक्षतामा सम्पन्न भएको थियो ।