4 years ago
November 11, 2019
काठमाडौं (हाम्रो खेलकुद) – मंसिर तेस्रो सातादेखि काठमाडौंमा आयोजना हुने १३औं दक्षिण एसियाली खेलकुद (साग) को लागि नोपली यु–२३ राष्ट्रिय पुरुष फुटबल टोलीको घोषणा भएको छ । टोलीका मुख्य प्रशिक्षक बालगोपाल महर्जनले सोमबार २० सदस्यीय नेपाली युवा टोली घोषणा गरेका हुन् । टोलीमा सिनियर टोलीका भरपर्दा खेलाडी कप्तान तथा गोलरक्षक किरण चेम्जोङ र मिडफिल्डर रोहित […]
काठमाडौं (हाम्रो खेलकुद) – मंसिर तेस्रो सातादेखि काठमाडौंमा आयोजना हुने १३औं दक्षिण एसियाली खेलकुद (साग) को लागि नोपली यु–२३ राष्ट्रिय पुरुष फुटबल टोलीको घोषणा भएको छ ।
टोलीका मुख्य प्रशिक्षक बालगोपाल महर्जनले सोमबार २० सदस्यीय नेपाली युवा टोली घोषणा गरेका हुन् । टोलीमा सिनियर टोलीका भरपर्दा खेलाडी कप्तान तथा गोलरक्षक किरण चेम्जोङ र मिडफिल्डर रोहित चन्द परेनन् । रोहित इन्डोनेसियामा तथा किरण भारतमा व्यावसायिक लिग खेलिरहेका छन् । दक्षिण एसियाली खेलकुद फिफा मितिमा नपरेका कारण यी खेलाडी समावेश नभएका हुन् ।
टोलीमा सिनियर खेलाडीको रुपमा मिडफिल्डर सुजल श्रेष्ठ, गोलरक्षक विकेश कुथ र डिफेन्सिभ मिडफिल्डर विक्रम लामालाई टोलीमा समावेश गरिएको छ । विक्रमले यसपटक डिफेन्सको भूमिका निर्वाह गर्ने सम्भावना रहेको छ । सागमा तीन सिनियर खेलाडी राख्न पाउने प्रावधान छ । अघिल्लो संस्करणमा सिनियर खेलाडीका रुपमा कप्तान विराज महर्जन, मिडफिल्डर विक्रम र फरवार्ड नवयुग श्रेष्ठ समावेश रहेका थिए । यसपटक पनि सोहि टोलीका अधिकांश खेलाडी रहेका छन् ।
टोली घोषणापछि मुख्य प्रशिक्षक महर्जनले कठोर परिश्रमबाट टोली घोषणा गरिको बताए । ‘हामीले लामो समय प्रशिक्षणको मौका पाएका छौं । खेलाडीहरुले राम्रो प्रशिक्षण गरिरहेका छन् । सिनियर खेलाडीले जुनियरलाई मनोवल बढाइरहेका छन्,’ प्रशिक्षक महर्जनले भने, ‘प्रशिक्षण दौरान हामीले ७ मैत्रीपुर्ण खेल खेल्यौ । मैले मेरो खेलाडीलाई राम्रोसँग बुझेको छु । हामी सागका लागि तयार छौं । खेलाडीहरुले शतप्रतिशत दिएर खेल्नेछन् ।’
नेपालले अघिल्लो संस्करणको फाइनलमा भारतलाई पराजित गर्दै उपाधि जितेको थियो । उक्त फाइनलका हिरो नवयुग श्रेष्ठ भने यसपटक अन्तिम टोलीमा परेनन् । उनी यसअघि छनोटमा रहेपनि प्रशिक्षक महर्जनले उनलाई अन्तिम टोलीमा समटेनन् । यद्यपी छनोटबाट बाहिरिसकेका गोलरक्षक विकेश कुथु भने टोलीमा समेटिए । किरण टोलीमा नपरेपछि गोलरक्षक पोजिसन कमजोर हुने भएकाले विकेशलाई समावेश गरिएको हो । आक्रमणमा राष्ट्रिय टोलीबाट खेल्ने विमल, अन्जन र अभिषेक रहेकाले नवयुग प्राथमिकतामा परेनन् ।
यस्तै मिडफिल्डमा राष्ट्रिय टोलीको कप्तानी सम्हालिसकेका सुजल श्रेष्ठ छन् । उनलाई राष्ट्रिय टोलीको अनुभव बोकेका सुनिल बल, हेमन्त थापामगर, तेज तामाङ लगायतले साथ दिनेछन् । डिफेन्समा अनन्त, तामाङ दीनेश राजवंशी र सुमन अर्याल राष्ट्रिय टोलीकै पहिलो रोजाईमा खेल्दै आएका छन् । विक्रम लामाले यस डिफेन्समा स्थान बनाउने आँकलन गरिएको छ ।
नेपाली टोली :
गोलरक्षक : विकेश कुथु, अर्पण कार्की, दीप कार्की
डिफेन्डर : अनन्त तामाङ, दीनेश राजवंशी, सुमन अर्याल, विक्रम लामा, विकास खवास, छिरिङ गुरुङ
मिडफिल्डर : सुजल श्रेष्ठ, सुनील बल, हेमन्त थापामगर, नितिन थापा, सेसेहाङ आङदेम्बे, तेज तामाङ, मिक्छेन तामाङ
फरवार्ड : विमल घर्तीमगर, अभिषेक रिजाल, रेजिन सुब्बा, अन्जन विष्ट
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]