काठमाडौं (हाम्रो खेलकुद) – कतार एयरवेज सहिद स्मारक ‘ए’ डिभिजन लिग अन्तरगतको पाँचौं चरणको दोस्रो दिन आज (मंगलबार) एक खेल मात्रै हुदैछ । दिनको एकमात्र खेलमा हिमालयन शेर्पा र फ्रेन्ड्स क्लबबीच प्रतिस्पर्धा हुँदैछ ।

खेल दिउँसो ३ बजेपछि त्रिपुरेश्वरस्थित दशरथ रंगशालामा हुनेछ । लिगको चार राउन्डको खेल सकिँदा दुवै टोलीले जित निकाल्न सकेको छैन । त्यसैले दुवै टोली जितको लक्ष्यमा मैदान उत्रदै ३ अंक जोड्ने योजनामा हुनेछ । दुई खेल बराबरी खेलेको शेर्पा २ अंकसहित १२औं स्थानमा छ ।

फ्रेन्ड्स एक बराबरी र तीन हारसहित १ अंक जोडेर १३औं स्थानमा छ । फ्रेन्ड्सले चौथो चरणमा आएर अंक र गोलको खाता खोलेको हो । शेर्पाले लिग लिडर मनाङलाई १–१ गोलको बराबरीमा रोकेको थियो ।

मनाङलाई बराबरीमा रोकेर हौसिएको फ्रेन्ड्स उच्च मनोबलका साथ शेर्पाविरुद्ध मैदानमा उत्रनेछ । ब्राजिली खेलाडीले आशातित प्रदर्शन गर्न नसक्नु फ्रेन्ड्सको कमजोरी हो । लिगको सुरुवाती खेलमा आर्मीसँग २–१ ले पराजित भएको फ्रेण्ड्स त्यसपछि ब्रिगेड ब्वाईज क्लब (बीबीसी) सँग २–० ले तथा मछिन्द्रसँग ३–० ले पराजित भएको थियो ।

यता, शेर्पा पनि फ्रेण्ड्सलाई पराजित गर्ने लक्ष्यमा मैदानमा उत्रनेछ । मुख्य दुई डिफेन्डर निरज बस्नेत र आशिष गुरुङविनै शेर्पा फ्रेन्ड्सविरुद्ध मैदानमा उत्रने छ । उनीहरुको अभाव खड्कन सक्नेछ । निरोज रातो कार्डका कारण एक खेलको तथा आशिष दोहोरो पहेँलो कार्डका कारण एक खेलको प्रतिबन्धमा छन् । निरजले बीबीसँगको खेलमा अन्तिम समयमा दोहोरो पहेँलो कार्डसहति रातो कार्ड खाएका थिए ।

फ्रेन्डसले पुलिस क्लबसँग गोलरहित र अर्काे विभागीय टोली एपीएफसँग १–१ गोलको बराबरी खेल्दा आर्मीसँग २–० ले तथा बीबीसीसँग १–० ले पराजित भएको थियो ।