अनिता सम्मिलित सेथुको दोस्रो जित

काठमाडौं (हाम्रो खेलकुद)– राष्ट्रिय महिला फुटबल टोली र एपिएफकी मिडफिल्डर अनिता बस्नेत सम्मिलित सेथु एफसीले भारतीय (आई) लिगमा दोस्रो जित हासिल गरेको छ ।

साविक विजेता समेत रहेको सेथुले बिहीबार बिबिके डिएभीलाई ९–० को फराकिलो अन्तरले हराएको थियो । ३ खेलमा यो सेथुको दोस्रो जित हो । दोस्रो खेलमा भने टोली पराजित भएको थियो । पहिलो खेलमा कोल्हापुर सिटीलाई ५–० ले हराएको सेथु अर्को खेलमा क्रिप्सा एफसीसँग २–० ले पराजित भएको थियो ।

अनिता बिहीबारको खेलमा पहिलो रोजाईमा परेकी थिइन् । सेथुमा यो उनको दोस्रो सिजन हो । गत सिजन अनितासँगै राष्ट्रिय टोली एवंम् एपिएफकी फरवार्ड सावित्रा भण्डारीले पनि सोही क्लबबाट खेलेकी थिइन् । सावित्रा यो सिजन गोकुलम केरेला एफसीमा आबद्ध भइकी थिइन् । गोकुलमलले खेलको दुवै खेलमा जित हासिल गरेको थियो ।

फागुन २ गते सम्म चल्ने आइ लिगमा गत वर्ष जस्तै १२ टोलीको सहभातिगा रहनेछ । सहभागी टोलीलाई २ समूहमा विभाजन गरि राउन्ड रोविन लिग र त्यसमा शीर्ष २ मा पर्ने टोली सेमिफाइनलमा पुग्नेछन् ।

आई लिगको यो चौथो संस्करणको समूह एमा बारोडा फुटबल एकेडेमी, बिबिके एफसी, एफसी कोहलपुर सिटी, किक स्ट्राट एफसी र साविक विजेता सेथु छन् । बैंगलोर युनाइटेड एफसी, विदेश ११ एफसी, ओडिसा पुलिस एफसी, केन्क्रे एफसी, श्री भूमि एफसी तथा गोकुलम छन् ।

अनिता सम्मिलित सेथुको दोस्रो जित

Latest News

Popular News

फुटबल

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

च्याम्पियन्स लिगमा बार्सिलोनाको जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल