काठमाडौं(हाम्रो खेलकुद) – संकटा क्लबले कतार एयरवेज सहिद स्मारक ए डिभिजन लिगमा विहीबार रेलिगेसनमा परिसकेको सरस्वती युथ क्लबमाथि आधा दर्जन गोल गरेको छ ।

बिहीबार संकटाले पुछारमा रहेको सरस्वतीलाई ६-२ गोल अन्तरले पराजित गरेको हो । खेलको पहिलो मिनेटमा सरस्वतीका मनिष थापाले एकल प्रयासमा गरेको प्रहार संकटाका गोलरक्षक रोहित कार्कीले बचाए । पाँचौ मिनेटमा मासोउके इटिग्ने मारीले गोल गर्दै संकटालाई अघि बढाए । मासोउकेको पेनाल्टी बक्स बाहिरको सशक्त प्रहार सिधै गोलमा परिणत हुदा सरस्वतीका गोलरक्षक प्रदिप भण्डारीले रोक्ने कुनै मौका नै पाएन ।

२६ औं मिनेटमा संकटाका मासाउकेको प्रहारलाई गोलरक्षक प्रदिप भण्डारीले बचाए । ३२ औं मासोउकेको प्रहारलाई गोलरक्षक प्रदिपले बचाए । लगत्तै ३३ औं मिनेटमा सुवास गुरुङको पासमा मासोउकेले व्यक्तिगत दोस्रो गोल गर्दै संकटाको अग्रता दोब्बर पारे । ३६ औं मिनेटमा दिपेश आलेमगरको प्रहार पोलमा लागेर फर्कियो । ३८ औं मिनेटमा सुवास गुरुङले गोल गर्दै संकटालाई खेलमा ३-० ले अघि बढाए ।

५६ औं मिनेटमा टिकाराज गुरुङले गोल गर्दै संकटालाई ४-० ले अघि बढाए । ६५ औं मिनेटमा पुर्ण बहादुर श्रेष्ठले आत्मघाती गोल गरेपछि संकटाले खलमा ५-१ को अग्रता बनायो ।

६७ औं मिनेटमा काजिम बुसारीले गोल गर्दै खेललाई ५-१ को अवस्थामा ल्याए । विशाल शाहीले पेनाल्टी बक्समा दिपक गुप्तामाथि खराव ट्याकल गरेपछि सरस्वतीले पेनाल्टी पाएको थियो । ७९ औं मिनेटमा काजिम बुसारीले पेनाल्टीमा गोल गर्दै खेललाई ५-२ को अवस्थामा ल्याए । ८३ औं मिनेटमा रोशन पहरीले गोल गर्दै संकटालाई ६-२ फराकिलो अग्रता दिलाए ।

योसँगै संकटा १३ खेलमा १८ अंकका साथ सातौं स्थानमा रहेको छ । सरस्वती १३ खेलमा मात्र १ जित र १ हारसहित ४ अंकका साथ पुछारमा रहँदै लिग अन्त्य गर्यो ।