धनगढी (हाम्रो खेलकुद) – नवजागृति युवा क्लब नेपाल आईस सुदूरपश्चिम अन्तराष्ट्रिय आमन्त्रण खप्तड गोल्डकपको क्वाटरफाइनलमा पुगेको छ । मदन भण्डारी स्पोर्टस एकेडेमीलाई आइतबार ४–० ले हराउँदै नवजागृति अन्तिम आठमा पुगेको हो ।

विजय टोलीका लागि विवेक चौधरीले ह्याट्रिक पुरा गरे भने अर्को गोल सागर चौधरीले गोल गरे ।धनगढी रंगशालामा सबै गोल दोस्रो हाफमा सम्भव भएको थियोे । ५२ औं मिनेटमा सागरको गोलमा टोलीले अग्रता बनाएका थिए । विपक्षी गोलकिपर विशाल सुनुवार अघि बढेको फाइदा उठाउँदै सागरले सहज गोल गरे ।

५९ औं मिनेटमा विवेकले गोल गर्दै टोलीको अग्रता दोब्बर बनाए । विपक्षी गोलकिपर र रक्षकको तालमेल नमिल्दाको फाइदा विवेकले उठाए । विवेक ७२ औं मिनेटमा र ग८० औं मिनेटमा गोल गर्दै टोलीको जित निश्चित पारे । अन्तिम गोल उनले पेनाल्टीमा गरेका थिए ।

एकेडेमीले पहिलो हाफमा पाएको पेनाल्टीमा गोल गर्न सकेन । ३५ औं मिनेटमा जन जागृतिका मनोज चौधरीले विवेक पुनलाई लडाएपछि पेनाल्टी पाएको थियो । तर, कप्तान अशिम गुरुङ गोल गर्न असफल भए । उनको प्रहारलाई गोलकिपर दिलमणी चौधरीले रोके ।

नवजागृतिका विवेक खेलेको म्यान अफ दी म्याच घोषित भए र उनले १० हजार रुपैयाँ प्राप्त गरे ।जन जागृतिले अब सेमिफाइनल प्रवेशका लागि रुस्लान थ्री स्टार क्लबको सामना गर्नेछ । थ्री स्टारले सोझै क्वार्टरफाइनलमा स्थान पाएको छ ।

सुदूरपश्चिम ११ स्पोर्टस क्लबको आयोजनामा जारी प्रतियोगितामा मंगलबार गोर्खा ब्वाईज रुपन्देही र सुनौलो संगम बुटबलबीच प्रतिस्पर्धा हुनेछ । फागुन २० गतेसम्म चल्ने प्रतयिोगिताको विजेताले २१ लाख १ रुपैँया र दोस्रो हुने टोलीले १० लाख १ रुपैँया प्राप्त गर्नेछ ।