आज अमेरिकामा भएको ईन्टरनेशनल च्याम्पियन्स कपको खेलहरुमा पिएसजीले रियल मड्रीड्लाई, चेल्सीले लिभरपुललाई र एसी मिलानले म्युनिखलाई पराजित गरेको छ ।
आज भएको पहिलो खेलमा रियल मड्रीड र पिएसजी खेलेका थिए । ३-१मा तुङिएको खेलको सबै गोल पहिलो हाल्फमा सम्भव भएको थियो । खेलको दोस्रो मिनटमनै पिएसजीले इकोनेको गोल मर्फात आग्रता लिएको थियो भने ३५औ र ४०औ मिनटमा मुनिरले गोल गरेर खेल ३-० बनाएका थिए । खेलको अन्तिम गोल रियलका लागि मर्सेलोले ४४औ मिनटमा पेनाल्टी मर्फात गरेका थिए ।
दोस्रो खेलमा बार्यन म्युनिखलाई मिलानले पेनाल्टी सुट आउटमा पराजित गरेको थियो । निर्धरित समय ३-३मा समाप्त हुँदा खेल पेनाल्टी सम्म पुगेको थियो । बार्यनका लागि रिबेरिले २ र अलबाले एक गोल गरे भने एसी मिलानका लागि निआङ, आन्द्रे र जुराजले १-१ गोल गरेका थिए ।
त्यसै गरी तेस्रो खेलमा चेल्सीले लिभरपुललाई १-०ले पराजित गरेको थियो । खेलको एक मात्र गोल चेल्सीका काहिलले गरेका थिए ।
