स्वाइन्सटाइगरले अन्तर्राष्ट्रिय फुटबलबाट सन्यास लिए

म्यानचेस्टर युनाइटेडका ३१ बर्षे मिडफिल्डरले ट्वीटरमार्फत सन्यासको घोषणा गरेका हुन् । स्वाइन्सटाइगरले सन्यासको लागि यो उपयुक्त समय भएको बताएका छन् । जर्मनीले सन् २०१८ को विश्वकप छनोटको पहिलो खेलअघि नर्वेविरुद्ध सेप्टेम्बर ९ मा खेल्दैछ । ‘मैले राष्ट्रिय टोलीका प्रशिक्षक जोचिम लोउलाई सन्यासको जानकारी गराए,’ स्वाइन्सटाइगरले ट्वीट गरेका छन्,‘म समर्थक, टोली, जर्मन फुटबल संघ र प्रशिक्षकलाई धन्यवाद दिन चाहन्छु । राष्ट्रिय टोलीबाट मैले १ सय २० खेल्दाको क्षणलाई म शब्दमा बयान गर्न सक्दिन ।’

जर्मनीका लागि ब्राजिलको रियामा २०१४ मा विश्वकप जित्नु खेल जीवनकै अविस्मणीय क्षण भएको उनले बताएका छन् । जर्मनीले अर्जेन्टिनालाई १–० ले हराउँदै चौथो पटक विश्वकप जितेको थियो ।’