मेस्सिको कप्तानिमा उत्रेको बार्सिलोनाले सेल्टिक बिरुद्ध अन्तर्राष्ट्रिय च्याम्पियन कपको खेलमा जित हात पारेको छ । डुब्लिनमा भएको अन्तर्राष्ट्रिय च्याम्पियन कप अन्तर्गत्को सिजन पूर्वको खेलमा बार्सिलोना ले ३-१ को जित हात पारेको हो । यो खेल सेल्टिककोलागी आस्टाना बिरुद्धको च्याम्पियन्स लिग खेल अघीको वार्म्-अप खेल पनि रह्यो ।
खेल सुरु भएको १० मिनेटमा नै शानदार रुपले गोल गर्दै टुरानले बार्सिलोनालाई अग्रता दिलाए । त्यस्तै एन्टोनियो मार्टिनेजको रक्षात्मक त्रुटिको फाइदा उठाउदै ग्रीफिथ्सले सेल्टिकको लागी बराबरी गोल फर्काए ।
तर त्यस्को एक मिनेट पछी एफे एम्ब्रोसले विरोधी टोलिको क्रस्मा आफ्नो जालीमा बललाई दिशा दिए पछी बार्सिलोनाले पुन: अग्रता लिने अवसर पायो । त्यस्तै मुनिर मोहमदले ३-१ पार्दै बार्सालाई सहज जित तर्फ लगे।
