फुटबल गतिविधि कम्तिमा जुलाईसम्म स्थगित

एजेन्सी – एसियन फुटबल महासंघ (एएफसी) ले यही मे र जुन महिनामा हुने भनिएका सबै फुटबल प्रतियोगिता स्थगित गर्ने निर्णय गरेको छ । महामारीको रुपमा फैलिएको कोरोना भाइरसको संक्रमण र त्यसाको प्रभाव नघटेपछि एएफसीले मे र जुन महिनालाई तय भएको सबै फुटबल प्रतियोगिता सार्ने निर्णय गरेको हो ।

एएफसीले अहिले प्रतियोगिता भन्दा पनि सबैको स्वास्थ्य नै ठुलो रहेको र अर्काे सुुचना जारी नभएसम्मको लागि फुटबल गतिविधि स्थगित गर्ने निर्णय गरेको हो । यसअघि एएफसीले मार्च र अप्रिल महिनामा हुने भनिएको सबै प्रतियोगिता स्थगित गरेको थियो ।

जसका कारण नेपालमा हुने विश्वकप तथा एसियन कप छनोटको दुई खेल चाइनिज ताइपेई र अष्ट्रेलियाबीचको खेल पनि स्थगित भएको थियो । मुख्य गरी २०२० एएफसी कप च्याम्पियन्स लिग र एएफसी कपको समूह चरण सकाउनुपर्ने दवावमा रहेका कारण एएफसी आफ्नो सदस्य राष्ट्रसँग नियमित सम्पर्कमा रहेर आवश्यक रणनीति र सम्भावित मितिबारे छलफल गरिरहेको छ ।

कोरोनाकै कारण मार्च दोस्रो सातादेखि विश्व खेलकुद गतिविधि ठप्प छ । नेपालमा पनि खेलकुद गतिविधी केहि समय बन्द नै रहनेछ । विदेशी लिगहरुमा समर्थक बिना लिग गर्ने भनेपनि नेपालका भने त्यस्तो सम्भावना भने देखिँदैन ।

फुटबल गतिविधि कम्तिमा जुलाईसम्म स्थगित

Latest News

Popular News

फुटबल

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

च्याम्पियन्स लिगमा बार्सिलोनाको जित

चर्चित खेलहरु:

उपयोगी लिङ्कहरू

सम्पर्क

सामाजिक संजाल