default_image

5 years ago

May 16, 2020

डर्टमन्ड विरुद्ध साल्के : सम्पूर्ण जानकारी

81 views

0 Bookmark

एजेन्सी – कोरोना महामारीको सन्त्रासबीच झन्डै ६४ दिनपछि युरोपको सबैभन्दा चर्चितमध्येको जर्मन बुन्डेस लिगा सुरु हुँदैछ । कोरोनापछि युरोपियन फुटबलको यो सिजनको भविष्य के हुने भन्ने विषयले चर्चा पाइरहँदा जर्मन बुन्डेस लिगा कोरोना पछि फर्कने सबैभन्दा ठुलो घरेलु लिग बनेको छ । 

स्थगित भएपछिको बुन्डेस लिगाको पहिलो दिन ६ खेल हुने छ । सबै खेल बन्द रंगशाला अर्थात ‘क्लोज डोर’ मा हुनेछ । विश्व फुटबलको ध्यान आज यही बुन्डेसलिगामा हुनेछ । बुन्डेसलिगाको ६ खेलमध्ये दोस्रो स्थानमा रहेको बोरुसिया डर्टमन्ड र साल्केबीचको खेल रोमाञ्चक र प्रतिस्पर्धात्मक हुने अपेक्षा गरिएको छ । खेल नेपाली समयअनुसार साँझ ७ः१५ बजेपछि सुरु हुनेछ । खेलको प्रत्यक्ष प्रसारण स्टार स्पोर्ट्सका च्यानलबाट प्रसारण हुनेछ ।

युवा स्टारहरु खेलाडीहरु अर्लिङ ब्राउट हालान्ड र जाडोन सान्चो जस्ता खेलाडीको साथ पाएको डर्टमन्ड साल्केलाई पराजित गर्दै शीर्षस्थानको बायर्न म्युनिखसँगको अंक दुरी छोट्याउने अवसर छ । साल्केलाई पराजित गर्न सकेको अवस्थामा डर्टमन्डको शीर्षस्थानको बायर्नसँगको अंक दुरी १ मा झर्नेछ ।

यद्दपि बायर्नसँग १ खेल हातमा हुनेछ । डर्टमन्डको २५ खेलबाट ५१ अंक छ । उति नै खेलबाट बायर्नको ५५ अंक छ । साल्के पनि डर्टमन्डलाई पराजित गर्दै अंक तालिका सुधार गर्ने दाउमा हुनेछ ।

दुई महिना भन्दा बढी समयपछि फुटबल फर्किदा खेलाडीको प्रदर्शन कस्तो हुने हो त्यो पनि हेर्न लायकको हुनेछ । तर, खेलाडीहरुले झन्डै एक महिना अघिदेखि विभिन्न चरणको प्रशिक्षण पार गर्दै सामुहिक प्रशिक्षणसम्म पुगेका छन् ।

यता, आरबी लाइप्जिग पनि फ्रेइवर्गलाई पराजित गर्दै शीर्ष दुई टोलीसँगको अंक दुरी छोट्याउने दाउमा हुनेछ । लाइप्जिगको ५० अंक छ । बोरुसिया मोन्चेनग्वालवाच फ्रन्कफर्टलाई हराउदै शीर्ष चारलाई थप मजबुत बनाउने योजनामा हुनेछ ।

सम्भावित सुरुवाती ११ :

डर्टमुन्ड : (३-४-३)

रोमन बुर्की

लुकास पिस्जेक – म्याट्स हमल्स – मानुएल अकान्जी

अक्रफ हाकिमी – जुलियन ब्रान्ट – थोमस डिलेनी – राफेल गुरेरो

जेडन सान्चो – एर्लीङ हालान्ड – थोर्गन हाजार्ड

साल्के : (४-३-१-२)

मार्कस सुबर्ट

जोन्जो केन्नी – जान टोबिडो – माटिजा नास्टासिच – बास्टियन ओक्ज्पिका

ड्यानीएल कालिजुरी – वेस्टन मकेनी – सुआट सरदार

अमिन हारिट

बेनिटो रामान- गुइडो बर्गस्टालर

अन्य खेल तालिका र समय :

अग्सबर्गविरुद्ध वल्फ्सवर्ग (साँझ ७ः१५ बजे)

डुसेलडर्फविरुद्ध पाडेरवर्न (साँझ ७ः१५ बजे)

आरबी लाइप्जिगविरुद्ध फ्रेइवर्ग (साँझ ७ः१५ बजे)

होफेनहाइमविरुद्ध हर्था बर्लिन (साँझ ७ः१५ बजे)

फ्रन्कफर्टविरुद्ध बोरुसिया मोन्चेनग्लाडवाक (राति १०ः१५ बजे)

December 14, 2024

झापा कपमा आर्मीको विजयी सुरुवात

हिमाल खरेल,बिर्तामोड झापाको बिर्तामोडमा शनिवार सुरु भएको प्रथम झापा कप फुटबल प्रतियोगिताको उद्घाटन खेलमा त्रिभुवन आर्मी फुटबल क्लबले विजयी सुरुवात गरेको छ । आर्मीले मोरङको एलएक्स सिटी एफसीलाई ३-० गोल अन्तरले पराजित गर्दै क्वार्टर फाइनलमा स्थान सुरक्षित गरेको हो । आर्मीका लागि राष्ट्रिय टिमका स्ट्राइकरसमेत रहेका नियमित खेलाडी जिलेस्पीजंग कार्की, दिशान्त राई, निरज चौधरीले गोल […]

December 14, 2024

झापा कपको उद्घाटन खेल-आर्मी र एलएक्स सिटी खेल्ने

हिमाल खरेल,बिर्तामोड झापा कपको उद्घाटन खेल आज त्रिभुवन आर्मी फुटबल क्लब र मोरङको एलएक्स सिटी फुटबल क्लबबीच प्रतिस्पर्धा हुनेछ । झापा ११ फुटबल क्लबको आयोजनामा हुन लागेको प्रतियोगितामा सिराहाको सलहेस युवा क्लब, एनआरटी फुटबल क्लब, चर्च ब्वाइज युनाइटेड, इटहरीको राष्ट्रिय जागृति क्लब सहभागी छनम । त्यस्तै, दार्जिलिङको जिटिए, काठमाडौं जिल्ला लिग च्याम्पियन चित्लाङ फुटबल क्लब, […]

December 12, 2024

एनएसएलको तेस्रो संस्करण चैतमा

काठमाडौं (हाम्रो खेलकुद)- नेपाल सुपर लिग (एनएसएल) को तेस्रो संस्करण यसै वर्षको‌ अन्त्यमा आयोजना हुनेभएको छ। नेपाल स्पोर्ट्स एण्ड इभेन्ट म्यानेजमेन्ट प्राइभेट लिमिटेडले आयोजना एनएसएल चैत १६ गते सुरु हुने अखिल नेपाल फुटबल संघ (एन्फा) ले जानकारी दिएको छ। आज एन्फा कम्प्लेक्स सातदोबाटोमा एन्फा महासचिव किरण राईले एनएसएलका प्रबन्ध निर्देशक श्रेयांस कार्कीलाई एनएसएल‌ आयोजनाको अनुमतिपत्र […]

Success

Thank you for your time.