4 years ago
May 23, 2020
एजेन्सी – विश्वव्यापी बनेको कोरोना भाइरस (कोभिड–१९) को महामारीबीच उच्च सतर्कता अपनाएर गत सातादेखि शुरु भएको जर्मन बुन्डेसलिगामा आज (शनिबार) पाँच खेल हुँदैछ । दोस्रो स्थानमा रहेको बोरुसिया डर्टमन्डले वल्फस्बर्गको भ्रमण गर्दैछ । खेल नेपाली समयअनुसार साँझ ७ः१५ बजेपछि हुनेछ । अवे मैदानमा वल्फस्बर्गलाई पराजित गर्दै डर्टमन्ड उपाधि होडमा कायमै रहन चाहन्छ । विश्व फुटबलमा […]
एजेन्सी – विश्वव्यापी बनेको कोरोना भाइरस (कोभिड–१९) को महामारीबीच उच्च सतर्कता अपनाएर गत सातादेखि शुरु भएको जर्मन बुन्डेसलिगामा आज (शनिबार) पाँच खेल हुँदैछ ।
दोस्रो स्थानमा रहेको बोरुसिया डर्टमन्डले वल्फस्बर्गको भ्रमण गर्दैछ । खेल नेपाली समयअनुसार साँझ ७ः१५ बजेपछि हुनेछ । अवे मैदानमा वल्फस्बर्गलाई पराजित गर्दै डर्टमन्ड उपाधि होडमा कायमै रहन चाहन्छ । विश्व फुटबलमा सबैको ध्यान खिच्न सफल नर्वेजियन युवा फरवार्ड अर्लिङ ब्राउट हालान्ड र इंग्लिस जाडोन सान्चो टोलीका लागि मुख्य हतियार हुनेछन् ।
गत जनवरीमा अष्ट्रियन क्लब साल्जवर्गबाट डर्टमन्ड आएयता हालान्डले लगातार उच्च प्रदर्शन गरिरहेका छन् । हालान्डले त्यसयता १२ खेलमा १३ गोल गरिसकेका छन् । त्यसैले वल्फस्बर्गविरुद्ध पनि हालान्डमा नजर रहनेछ । यता, वल्फस्बर्ग घरेलु मैदानमा हुने खेलमा डर्टमन्डलाई पराजित गर्ने दाउमा हुनेछ ।
यसअघिको खेलमा डर्टमन्डले साल्केमाथि ४–० को सानदार जित निकाल्दा वल्फस्बर्गले अग्सबर्गलाई २–१ ले पराजित गरेको थियो । वल्फस्बर्गलाई पराजित गर्न सके डर्टमन्डले शीर्षस्थानको बायर्नसँगको अंक दुरी छोट्याउने छ । डर्टमन्ड २६ खेलबाट ५४ अंक जोडेर दोस्रो स्थानमा तथा वल्फस्बर्ग ३९ अंक जोडेर छैटौं स्थानमा रहेको छ ।
आज राति नै शीर्षस्थानमा रहेको बायर्न म्युनिखले घरेलु मैदानमा फ्रान्कफर्टलाई आतिथ्यता गर्दैछ । खेल राति १०ः१५ बजे हुनेछ । घरेलु मैदानमा जित निकाल्दै बायर्न उपाधि होड थप बलियो बनाउन चाहन्छ । बराबरी वा हारले पनि बायर्न शीर्षस्थानमा नै रहनेछ ।
जित निकाल्न सकेको अवस्थामा बायर्नले कम्तिमा ४ अंकको अग्रता बनाउनेछ । बायर्नले २६ खेलमा ५८ अंक जोडेको छ । २८ अंक जोडेको फ्रान्कफर्ट १३ औं स्थानमा रहेको छ ।
अन्य खेल :
बोरुसिया मोन्चेनग्लाडबाक विरुद्ध बायर लिभरकुसेन
फ्राइबर्ग विरुद्ध वेर्डर ब्रेमेन
पाडेरबर्न विरुद्ध होफेनहाइम
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]
April 24, 2024
सुर्खेत (हाम्रो खेलकुद) – समिक्षा मगरको गोलमा कोशी प्रदेशले महिला लिग छनोट गण्डकी प्रदेशलाई ३–० ले सहजै हराएको छ । लगातार तेस्रो जितपछि ९ कोशी शीर्षस्थानमा छ । सर्खेतस्थित कर्णाली प्रदेश रंगशालामा बुधबार भएको खेलमा कोशीले एकपक्षीय दबाब बनायो। छैटौं मिनेटमा समिक्षाले गोल गर्दै टोलीलाई पहिलो हाफमा १–० को अग्रता दिलाइन् । गण्डकी दोस्रो हाफमा […]