काठमाडौं (हाम्रोखेलकुद)
रुस्लान थ्री स्टार क्लब यही अगस्त २१ देखी २५सम्म हुने एएफसी कप २०१६ खेल्नको लागि आज मंगोलियातर्फ जादै छ । थ्री स्टार क्लबले पाटन स्तिथ अशोक हलमा एक कार्यक्रम बिच टिमलाई बिधाई गरेको थियो ।
बिधाई कार्यक्रम मा बोल्दै थ्री स्टार क्लबका नव नियुक्त प्रशिक्षक मेघराज केसीले टिमले राम्रो प्रदर्शन गर्नेमा ढुक्क रहेको बताउनु भयो । टोलीमा स्टार खेलाडी कोही नरहे पनि उनले टिम निकै सन्तुलित रहेको र टिमका सबै खेलाडी स्टार बन्न लयकको रहेको बताउनु भयो । थ्री स्टारमा फर्वार्डको कमी भए पनि ६ जना एट्याकिङ मिड्फिल्डर भएका कारणले कमी महसुस नहुनेमा प्रशिक्षक बिश्वासत देखिएका छन ।
भर्खरै नेपाल आर्मी क्लब बाट थ्री स्टार सम्हाल्न पुगेका मेघ भन्नु हुन्छ,” हामी सँग नेपालमा रहेका उपलब्ध उत्कृष्ट खेलाडिहरु छन्, अरु राम्रा खेलाडी बिभागिय टोली र मनाङसँग अनुबन्धित भएको कारणले हामीले लिन सकेनौ ।”
थ्री स्टार क्लबले मंगिलियामा घरेलु लीग च्याम्पियन एर्किम एफसी र कम्बोडियाको लीगको उप बिजेता नागावर्ल्ड एफसिसँग खेल्ने छ ।
