एजेन्सी – स्पेनिस ला लिगा अन्तर्गत अब सबै टोलीले ५ खेल खेल्न बाँकी रहेको छ । ३३ औं चरणको खेल समाप्त हुँदा रियल म्याड्रिडले अंक तालिकाको शीर्षस्थानमा ४ अंकको अग्रता बनाएको छ ।

शनिबारको खेलमा सेल्टा भिगोको मैदानमा जित दर्ता गर्न नसकेको बार्सिलोना घरेलु मैदानमा मंगलबार एटलेटिको म्याड्रिडसँग पनि बराबरीमा रोकियो । बार्सिलोना लगातार चुक्दा रियललाई शीर्षस्थानमा अग्रता बढाउने अवसर जुरेको थियो ।

रियलले बार्सिलोनाको कमजोरीको फाइदा उठाउँदै लगातार जितको सिलसिला कायम राख्दै शीर्षस्थानमा पकड बलियो बनायो । लिगको पुछारमा रहेको एस्पान्योललाई १-० ले पराजित गर्दै रियलले उपाधि होडमा २ अंकको अग्रता कायम गर्न सफल रहेको थियो । बिहीबार गेटाफेविरुद्ध १-० कै जित दर्ता गर्दै रियलले ४ अंकको अग्रता बनाएको हो ।

रियलले अब बाँकी रहेको खेलमध्य सबैभन्दा कठिन चुनौतीका रुपमा ३४ औं चरणमा एथ्लेटिक बिल्बाओको मैदानमा खेल्न बाँकी छ । यता बार्सिलोनाले भने अब भिल्लारियलको सामना गर्नेछ ।

बाँकी खेलहरु :

३४ औं चरण :

जुलाई ५ – एथ्लेटिक बिल्बाओ विरुद्ध रियल म्याड्रिड – नेपाली समयअनुसार साँझ ६:४५ बजे

जुलाई ५ – भिल्लारियल विरुद्ध बार्सिलोना –  नेपाली समयअनुसार अर्को दिन विहान १:४५ बजे

३५ औं चरण :

बार्सिलोना विरुद्ध एस्पान्योल

रियल म्याड्रिड विरुद्ध अलाभेस

३६ औं चरण :

रियल भालाडोलिड विरुद्ध बार्सिलोना

ग्रानडा विरुद्ध रियल म्याड्रिड

३७ औं चरण :

बार्सिलोना विरुद्ध ओसासुना

रियल म्याड्रिड विरुद्ध भिल्लारियल

३८ औं चरण :

अलाभेस विरुद्ध बार्सिलोना

लेगानेस विरुद्ध रियल म्याड्रिड

अन्तिम चार चरणको खेल समय र मिति भने तोक्न बाँकी रहेको छ