ओलम्पिकमा पुरुष तर्फको फुटबल खेलमा आज स्वर्ण पदकको लागी ब्राजिल र जर्मनी भिड्डै छ । महिला फुटबल तर्फ स्वर्ण जितेको जर्मनी आज पुरुषमा पनि फाइनल जित्ने दाउमा हुनेछ भने नेमार र उनको टोली भने बिश्व कपको त्यो ७-१ को पराजयको बदला लिदै आफ्नो घरेलु मैदानमा स्वर्ण जित्ने प्रयाशमा रहनेछ । त्यस्तै आयोजक ब्राजिलको महिला टोलिले भने तेस्रो स्थानको खेलको लागी भएको खेलमा क्यानाडी बिरुद्ध पराजय भोगेको थियो ।
पुर्वी जर्मनीले १९७६ मा स्वर्ण जिते पनि यो दुबै टोलीले ओलम्पिकमा फाइनल जितेको छैन । ब्राजिलले ३ रजत जितेको छ, जसमद्धे चार बर्ष अघीको लण्डन ओल्म्पिक्समा मेक्सिको सँगको फाइनलको पराजय पनि पर्दछ ।
आज राती नेपाली समय अनुसार २:१५ मा हुने खेलमा प्रतिभाशाली खेलाडीहरुले भरिएको जर्मनीको टोलीको असली परिक्षा ब्राजिको मुख्य खेलाडी नेमार लाई रोक्ने हुने छ । यसअघी सेमिफाइनलमा होन्डुरस बिरुद्ध १५ सेकेन्डमा गोल गर्दै नेमार ले रेकर्ड कायम गरेका थिए ।
