default_image

3 years ago

September 22, 2020

रोहित इन्डोनेसिया फर्किए

काठमाडौं (हाम्रो खेलकुद)– कोभिड १९ का कारण स्वदेश फर्केका राष्ट्रिय फुटबल टोलीका मिडफिल्डर रोहित चन्द लिग वान पुनः सञ्चालन हुने भएपछि मंगलबार इन्डोनेनिया गएका छन् । झन्डै एक दशकयता विदेशमा व्यवसायिक फुटबल खेलिरहेका रोहित केहि वर्षयता पर्सिजा जाकार्तामा आबद्ध छन् । खेल तालिका सार्वजनिक नभएपनि स्थगित लिग पुनः सुरु हुन भएपछि क्लबले बोलाएको रोहितको व्यवस्थापन […]

54 views

0 Bookmark

काठमाडौं (हाम्रो खेलकुद)– कोभिड १९ का कारण स्वदेश फर्केका राष्ट्रिय फुटबल टोलीका मिडफिल्डर रोहित चन्द लिग वान पुनः सञ्चालन हुने भएपछि मंगलबार इन्डोनेनिया गएका छन् ।

झन्डै एक दशकयता विदेशमा व्यवसायिक फुटबल खेलिरहेका रोहित केहि वर्षयता पर्सिजा जाकार्तामा आबद्ध छन् । खेल तालिका सार्वजनिक नभएपनि स्थगित लिग पुनः सुरु हुन भएपछि क्लबले बोलाएको रोहितको व्यवस्थापन समेत हेर्दै आएका दाजु रबिनले जानकारी दिए ।

पर्सिजाले सन् २०१८ मा लिग वानको उपाधि जित्दा रोहित टोलीका महत्वपूर्ण सदस्य थिए । त्यति बेला उनी सर्वोत्कृष्ट खेलाडी समेत घोषित भएका थिए । रोहितले गत वर्ष मात्र पर्सिजासँग २ वर्षका लागि सम्झौता नविकरण गरेका हुन् ।

रोहितले झन्डै ३ महिना नेपालमा परिवारसँग बस्न पाउँदा निकै खुसी लागेको बताए । ‘झन्डै ३ महिना परिवार र साथीभाईसंग बस्न पाएँ । निकै रमाइलो भयो । अब उत्साहित भएर फर्कंदै छु,’ उनले भने, ‘ अब नेपाल फर्कने कहिले थाहा छैन । सायद नेपालको खेल हुँदा फर्कनेछु ।’

मार्च देखि लिग वान स्थगित भएपछि रोहित असार १२ गते स्वदेश फर्केका थिए । फेब्रुअरीमा सुरु भएको लिग केहि चरणका खेल आयोजना भएसँगै स्थागित भएको थियो । पर्सिजाले यो सिजन २ खेलमा १ जित र अर्कोमा हार बेहोरेको छ । अब लिग सुचारु हुँदा स्वास्थ्य स्थितिलाई मध्यनजर गर्दै होम एण्ड अवे नभएर एकै क्षेत्रमा लिग खेलाउने तयारी रहेको छ ।

रोहित पर्सिजाको टोलीमा पुराना मध्यका खेलाडी हुन् । उनी समर्थकमाझ पनि उत्तिकै लोकप्रिय छन् । पर्सिजाको मिडफिल्ड सम्हाल्दै आएका उनी प्रशिक्षक पहिलो रोजाईका खेलाडी हुन् । डिफेन्डरका रुपमा करिअर सुरु गरेका रोहितले राष्ट्रिय टोलीबाट पनि मिडफिल्डरकै भूमिका निर्वाह गर्दै आएका छन् ।

March 19, 2024

पुलिससँग हारे पनि एभरेष्ट सेमिफाइनलमा

काठमाडौं (हाम्रो खेलकुद)- नेपाल पुलिस क्लबले आठौं आरबीबी एनभिए भलिबल च्याम्पियनसिपमा महिलातर्फ दोस्रो खेल जितेको छ। पुलिसले मंगलबार एभरेष्ट भलिबल क्लबलाई‌ ३-२ ले हराउँदै दोस्रो जित निकालेको हो । हारका बाबजुद ३ खेलमा ७ अंक साथ एभरेष्ट सेमिफाइनलमा पुगेको छ। पुलिसले एभरेष्टलाई २५-२७, २५-१८, २७-२५,२७-२५, १५-९ ले हराएको हो । सोही समूहमा त्रिभुवन आर्मीले पहिलो […]

March 18, 2024

बहराइन जान खोज्ने पदाधिकारीको नाम राखेपबाट अस्वीकृत

काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]

March 18, 2024

एट्लेटिकोलाई हराउँदै बार्सिलोना दोस्रो स्थानमा उक्लियो

एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो ।  दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]

Success

Thank you for your time.