एजेन्सी – इंग्लिस प्रिमियर लिगमा आज (सोमबार) राति साविकको विजेता लिभरपुल र आर्सनलबीच प्रतिस्पधा हुदैछ । खेल लिभरपुलको मैदान एनफिल्डमा खेल नेपाली समयअनुसार राति १२ः४५ बजे हुनेछ ।

दुबै टोली नयाँ सिजनको प्रिमियर लिगमा लगातार तेस्रो जितको खोजीमा हुनेछन् । त्यसैले यि दुई टिमबीचको खेल रोमाञ्चक र प्रतिस्पर्धात्मक हुने अपेक्षा गरिएको छ । लिभरपुलले सिजनको पहिलो खेलमा नव प्रवेशी लिड्स युनाइटेडलाई ४–३ ले पराजित गर्दा दोस्रो खेलमा लन्डन क्लब चेल्सीमाथि २–० को सहज जित निकालेको थियो ।

लगातार दोस्रो जित निकालेका कारण साविकको विजेता लिभरपुल सोही जितको लयलाई आर्सनलविरुद्ध पनि दिने दाँउमा हुनेछ । लिभरपुलसँग मोहम्मद सलाह, साडियो माने, रोबर्टाे फिर्मिन्हो, जर्जिनियो वाइनाल्डम, थियागो अलकान्टरा, भर्जिल भान डाइक, एन्ड्रिउ रोबर्टसन, ट्रेन्ट एलेसान्दर अर्नाेल्ड, फाविन्हो र एलिसन बेकरजस्ता खेलाडीको साथ रहेको छ । नियमित कप्तान जोर्डन हेन्डरसन र जोएल माटिप चोटका कारण टोलीमा रहनेछैनन् ।

यता, पछिल्लो समय उत्कृष्ट प्रदर्शन गरिरहेको आर्सनल लिभरपुललाई स्तब्ध पार्दै लगातार तेस्रो जितको खोजीमा हुनेछ । आर्सनलले पहिलो खेलमा फुलहमलाई ३–० ले तथा दोस्रो खेलमा वेस्ट ह्यामलाई २–१ ले हराएको थियो ।

आर्सनलसँग कप्तान पिएरे इमिरिक औवामियाङ, एलेक्सान्द्रे लाकाजेट, विलियन, डेभिड लुइज, ग्रानिट झाका, ड्यानियल सेवालोस, हेक्टर बर्लिन, रोव होल्डिङ, ग्याब्रियल र गोलरक्षकमा बन्ड लेनो रहेका छन् ।

यि दुई टोलीबीचको पछिल्लो २२ खेलको नतिजा हेर्दा खेल निकै रोमाञ्चक र प्रतिस्पर्धात्मक हुने अपेक्षा गरिएको छ । लिभरपुलले ७ खेल आफ्नो पक्षमा पार्दा आर्सनल ६ खेलमा विजयी भएको छ । १० खेल बराबरीमा सकिएको छ । अघिल्लो सिजनको प्रिमियर लिगमा यि दुई टोलीले समान एक–एक खेलमा जित निकालेको थियो ।

गत अगस्टमा कम्युनिटी शिल्डमा निर्धारित समयको खेल १–१ गोलको बराबरीमा सकिएपछि पेनाल्टी सुटआउटमा आर्सनल ५–४ ले विजयी भएको थियो । यस्तै गत अक्टोवरमा कारवाओ कपमा निर्धारित समयको खेलमा ५–५ गोलको बराबरीपछि लिभरपुल पेनाल्टी सुटआउटमा ५–४ ले विजयी भएको थियो ।

समान दुई खेलमा ६ अंक जोडेको आर्सनल गोल अन्तरमा तेस्रो तथा लिभरपुल चौथो स्थानमा रहेको छ । अर्को खेलमा फुलहमले एस्टन भिल्लाबीच राति १०ः३० बजे प्रतिस्पर्धा हुदैछ ।