बिश्व कप २०१८ को छनोट चरणको खेलमा समुह ‘जि’ अन्तर्गतको खेलमा स्पेनले कम दर्जाको लिएखटेन्स्टाइन बिरुद्ध ८-० को जित नतिजा निकाल्न सफल भएको छ  ।

फिफा वरियतामा नेपाल भन्दा ६ स्थान मात्र माथी १८२ औ स्थानमा रहेको लिएखटेन्स्टाइनलाई स्पेनले ८ गोल गर्न सफल भएको हो , जसमद्धे ७ गोल दोस्रो हाल्फमा भएको हो  । स्पेनको जितमा डिएगो कोस्टा ले २ , डेभिड सिल्भाले २, अल्भारो मोराटाले २ गोल गरे भने सेर्जियो रोबर्टो र भिटोलोले १-१ गोल गरे ।

समुहको अन्य खेलमा इटालिले इज्रेल बिरुद्ध ३-१ को जित दर्ता गर्‍यो । इटालिकालागि पेल्ले र सिरो इम्मोबाइल ले १-१ गोल गरे भने एन्टोनियो क्रान्डेवाले पेनाल्टी मार्फत १ गोल गरे । त्यस्तै अल्बानिया र म्यासेडोनिया बिचको खेल १-१ को स्तिथीमा भारी बर्षाका कारण स्थगित भयो।

सोही दिनको अन्य खेल हरुमा अधिकतम खेलहरु बराबरीमा रोकिए । समुह ‘आइ’ का तीन खेलहरु, क्रोएसिया र टर्की , फिन्ल्याण्ड र कोसोभो अनि युकरेन र आइस्ल्याण्ड सबै १-१ को बराबरीमा टुङिए ।

समुह ‘डि’ मा भने वेल्स ले मोल्डोभा सङ ४-० को जित हासिल गर्‍यो । वेल्सको जितमा ज्ञारेथ बेलले २ गोल गरे भने जो एलेन र स्याम भोक्स ले १-१ गोल गरे । त्यस्तै अर्को खेलमा सेर्भियाले आयरल्याण्डसँग २-२ नतिजामा अंक बाड्यो ।