एजेन्सी – फ्रेन्च लिग वानमा आज राति पाँचौ चरणको एक खेलमा मात्रै प्रतिस्पर्धा हुँदैछ । डिफेन्डिङ च्याम्पियन पेरिस सेन्ट जर्मेन (पीएसजी) ले घरेलु मैदानमा एन्जर्ससँग प्रतिस्पर्धा गर्दैछ ।

खेल नेपाली समयअनुसार पार्क डि प्रिन्सेसमा राति १२ः४५ बजे हुनेछ । घरेलु मैदानमा पीएसजी एन्जर्समाथि सहज जित दर्ता गर्दै अंक तालिका सुधार गर्ने दाउमा हुनेछ । सुरुवाती दुई खेल गुमाएर दवावमा देखिएको पीएसजीले त्यसपछिको तीनै खेलमा जित हात पार्दै जितको लय समातिसकेको छ ।

सोही लयलाई पीएसजी एन्जर्सविरुछ पनि निरन्तरता दिने दाँउमा हुनेछ । पीएसजीका लागि नेयमार, केलियन एमबाप्पे, मोउरो इकार्डी, पाब्लो साराविया, मार्काे भेराट्टी, जुलियन ड्राक्सलर, मार्किन्हस, लियान्द्रो ड्यानियल पारेडेस, प्रेसनेल किम्पेम्वे र गोलरक्षक केलर नाभास हुनेछन् ।

यता, एन्जर्स पनि पीएसजीलाई उसकै मैदानमा स्तब्ध पार्दै अंक तालिका सुधार गर्ने दाँउमा हुनेछ । एन्जर्ससँग साडा थिओव, इस्माइल ट्राओरे, एन्जेलो फुल्गिनी, स्टेफेनबाहाकेन हुनेछन् ।

यि दुई टोली हालसम्म ११ पटक आमने सामने हुँदा पीएसजी १० पटक विजयी भएको छ । एक खेल बराबरीमा सकिएको छ । पीएसजी एन्जर्ससँगको अपराजित लयलाई निरन्तरता दिने दाउमा रहँदा एन्जर्स पीएसजीसँगको हारको श्रृंखला तोड्ने योजनामा हुनेछ ।