बिश्व कप छनोट अन्तर्गतको युरोपियन खेलहरुमा पोर्चुगल्ले स्विट्जरल्याण्डसङ हारको सामना गरेको छ, त्यस्तै फ्रान्स बेलारुससँग गोल रहित बराबरीमा रोकिएको छ ।
स्विट्जरल्याण्डले क्रीस्टिएनो रोनाल्डो बिना उत्रीएको युरोपियन बिजेतालाई २-० ले जितेको छ , जसमा आर्सनलका जाका २ पहिलो कार्ड खादै अतिरिक्त समयमा बाहिरिएका थिए । त्यस्तै समुह ‘बि’ को अन्य खेल मा ल्याट्भिया ले एन्डोरा बिरुद्ध १-० को जित निकाल्यो भने फारोए आइल्याण्ड र हंगेरी गोल रहित रहे ।
समुह ‘ए’ मा भने फ्रान्स बेलारुस सङ गोल रहित अंक बाड्न बाध्य भयो । त्यस्तै स्विडेन र नेडरल्याण्ड्ले १-१ नतिजा निकलडाईं अंक बाडे । समुह ‘ए’ को अर्को खेलमा ९० औ मिनेटमा गोल गर्दै बुल्गेरियाले लग्जेमबर्ग बिरुद्ध ४-३ को नतिजा निकाल्न सफल भयो ।
समुह ‘एच’ मा एभर्टोनका पुर्व म्यानेजर रोबोर्टो मार्टिनेजले बेल्जियमसँगको पहिलो प्रतिस्पर्धात्मक खेलमा ३-० को जित हासिल गरे । लुकाकुको दुइ गोलमा बेल्जियमले साइप्रसलाई ३-० ले जित्न सफल भयो । त्यस्तै समुहको अर्को खेलमा बोस्नियाले इस्टोनियालाई ५-० को भारी अन्तरले जित्यो । समुहको अर्को खेलमा ग्रीसले गिब्रेल्टार बिरुद्ध ४-१ को जित दर्ता गर्यो ।
समुह ‘जि’ मा भने अल्बेनियाले म्यासेडोनियालाई २-१ ले जित्यो । खेलको अन्तिम मिनेटमा गोल गर्दै बेकिम बालाजले अल्बेनियालाई अंक बाड्नबाट जोगाए ।
