आर्सनलका चिलियन फर्वर्ड एलेक्सिज स्यान्चेजले आफुलाई मेस्सी र रोनाल्डोसङ तुलना गर्दै आफु कोही भन्दा कमसल नरहेको महसुस गर्ने बताएका छन ।
बोलिभियासँगको गोलरहित बराबरी पछी अन्तर्वार्तामा आफु महान् खेलाडीहरू प्रतिस्पर्धा गर्नसक्ने स्तरमा पुगी सकेको भन्दै आफुलाई मेस्सी र रोनाल्डोसँग दाजेका छन ।
” म महान खेलाडिहरुसङ दाज्न मिल्ने स्तरमा पुगी सकेको छु , म आफुलाई कोही भन्दा कम छैन भन्ने सोच्छु । म मेस्सी र रोनाल्डो जस्तै छु र उनिहरु जतिकै क्षमता ममा छ ” , स्यान्चेजले भने ।
२०१४ मा आर्सनल आएपछी स्यान्चेजले ९६ खेल हरुमा ४३ गोल गर्दै २५ असिस्ट दिएका छन । स्यान्चेजको तथ्याड़क हेर्ने हो भने उनले हरेक खेलमा ०.६८ गोल या असिस्ट गरेका छन भने मेस्सीले १.३९ भने रोनाल्डो ले हरेक ९० मिनेट मा १.३० गोल या असिस्टमा योगदान दिएका छन ।
