म्यान्चेस्टर युनाइटेडलाई ओल्ड ट्राफोडमा हराउदै पेप गुवार्डिओलाले पहिलो डेर्बी खेलमा जित दर्ता गरेका छन । केभिन डि ब्रुवाइनाको उत्कृस्ट प्रदर्शनमा सिटिले युनाइटेडलाई निराश पार्न सफल रह्यो ।
पहिलो हाल्फमा सिटिले युनाइटेडलाई दबाबमा राख्दै दुइ गोल गर्न सफल भयो । खेलको १५ मिनेटमा केभिन डि ब्रुवाइनाले ब्लिन्डलाई पहिलो टचमा बिट गर्दै गरेको सुन्दर गोलमा सिटिले अग्रता लियो । त्यस्तै ३६ औ मिनेटमा केभिन डि ब्रुवाइनाको प्रहार पोस्टमा लागेर फर्किदा, इहेनाचोले रिबाउन्डमा गोल गर्दै सिटिको अग्रता दोब्बर गरे ।
दुइ गोलले पछी परेको युनाइटेडकोलागी सिटिका नयाँ किपर ब्राभोको गल्तीमा इब्राहिमोबिकले गोल गर्दै पहिलो हाल्फको अन्त्य सम्म खेलको रोमान्च जोगाइ राखे ।
दोस्रो हाल्फमा युनाइटेडमा थप उर्जा देखियो , युनाइटेड खेलामा फर्किन उत्सुक देखियो । खेलमा फर्किन मोरिनोले रुनि, राश्फोर्ड, इब्रा, मार्सियल लगायतका फर्वार्ड एकै साथ खेलाए, तर दोस्रो हाल्फमा कुनै गोल गर्न नसक्दा आफ्नो घरेलु मैदानमा आफ्नो कट्टर प्रतिद्वन्द्वीबाट पराजय भोग्न बाध्य भयो ।
