एजेन्सी – च्याम्पियन्स लिगको अघिल्लो सिजनको क्वार्टरफाइनलमा बार्सिलोना बायर्न म्युनिखसँग ८–२ ले पराजित भएको थियो । त्यसयता नयाँ सिजनको सुरुवाती दुई खेलमा सफलता हासिल गर्दै बार्सिलोनाले च्याम्पियन्स लिगमा पुनरागमनको बलियो संकेत गरेको छ ।

क्याटलान टोलीले यो सिजन च्याम्पिन्स लिगको पहिलो खेलमा फेरेन्सभारोसलाई ५–१ ले हराएको थियो । बुधबार इटालियन च्याम्पियन युभेन्टसमाथि टोलीले २–० को जित निकालेको थियो ।
कप्तान लियोनल मेस्सीले पनि फर्ममा फर्केको संकेत गरेका छन् ।

युभेन्टसविरुद्ध पेनाल्टीमा गोल गरेका मेस्सीले पहिलो गोलका लागि पास निकालेका थिए । त्यो खेलमा उसमान डेम्बेले र पेड्रीले सनसनीपूर्ण प्रदर्शन गरे । उनले स्वतन्त्रतापूर्वक खेल्दा पाउँदा आक्रमणलाई तेज पारेका थिए । यद्दपी युभेन्टसलेपनि बार्सिलोनाविरुद्ध सोचे अनुरुपको प्रदर्शन गर्न सकेन ।

च्याम्पियन्स लिगका सुरुवाती दुई खेलमा बार्सिलोनाले ७ गोल गरिसकेको छ । योसँगै सर्वाधिक गोल गर्ने म्यानचेस्टर युनाइटेडसँग बराबरी गरेको छ । रोनाल्डो काम्यानको टोलीले दुई खेलमा विपक्षी पोस्टतर्फ ३५ सट प्रहार गरेको थियो । जुन प्रतियोगिताको सर्वाधिक हो ।

त्यतिनै खेलमा बायर्न म्युनिखले ३४ र पेरिस सेन्ट जर्मेनले ३३ प्रहार गरेको थियो । ३५ प्रहार १५ लक्ष्यमा थियो । जुन सर्वाधिक सट प्रहार गर्ने एटलान्टाको भन्दा २ कम हो । युनाइटेडको भन्दा बार्सिलोनाले १ बढी लक्ष्यमा प्रहार गरेको थियो ।

ला लिगामा कमजोर प्रदर्शन गरिरहेको बार्सिलोनाले च्याम्यियन्स लिगमा भने सकारात्मक प्रदर्शन गरिरहेको छ । कोम्यान टोलीबाट त्यस्तै प्रदर्शन ला लिगामा पनि चाहन्छन् । विस्तारै बार्सिलोनाको आक्रमण पनि बलियो हुँदै गइरहेको छ ।

दुई खेलमा टोलीले ९० प्रतिशत पास पुरा गर्दा ५५ प्रतिशत बल पोसेसन राख्न सफल भएको थियो । जारी सिजनका बार्सिलोनाले ७ खेले खेलिसकेको छ जसमा टोलीले १६ गोल गरेको छ । लगातार दोस्रो वर्ष उपाधि विहिनबाट जोगिन टोलीले आक्रमणलाई तेज पारेको अनुभव हुन्छ ।