एजेन्सी – च्याम्पियन्स लिगको समूह चरणको तेस्रो राउन्डको खेलमा उपाधिको दावेदार युभेन्ट्सले आज राति हंगेरियन क्लब फेरेन्कभारोसको सामान गर्दैछ ।

खेल पुस्कार एरिना बुढापेस्ट हंगेरीमा नेपाली समयअनुसार राति १ः४५ बजे हुनेछ । घरेलु टोलीलाई हराउदै युभेन्ट्स अर्काे चरणको यात्रालाई थप मजवुत बनाउने लक्ष्यमा हुनेछ । टोली स्टार फरवार्ड क्रिस्टियानो रोनाल्डो फर्र्किएपछि हौसिएका छन् ।

कोरोना संक्रमणका कारण चार खेल गुमाएका रोनाल्डोले स्पेजियाविरुद्धको खेलबाट पुनरागमन गर्दै दुई गोल गर्न सफल भएका थिए । कोरोनाकै कारण रोनाल्डोले बार्सिलोनासँग २–० ले पराजित भएको खेल गुमाएका थिए ।

टोलीमा रोनाल्डोसँगै अल्भारो मोराटा, पाउलो डिब्याला, फेडरिको चियसा, अर्थर, वेस्टन म्याककिन्ने, डानिलो, लियोनार्दाे बोनुची, जुआन कोर्डाडो र गोलरक्षक जियानलुजी बुफोन हुनेछन् । आरोन राम्से, एड्रियन राबिओट, रोड्रिगो बेन्टानकर र डिजान कुलुसेभ्स्की पनि टोलीमा रहेका छन् ।

यता, घरेलु टोली फेरेन्कभारोस पनि युभेन्ट्सलाई स्तब्ध पार्दै पहिलो जितको लक्ष्यमा हुनेछ । टोलीसँग इसाइल, टोकमाक चोक नुगेल, ओलेक्सान्डर जुवकव, सोमालिया, मिहा ब्लाजिक र गोलरक्षक डेनिस डिबस्ज रहेका छन् ।

बार्सिलोनासँग ५–१ ले पराजित हुदा फेरेन्कभारोसले डेनामो किएभसँग २–२ गोलको बराबरी खेलेको थियो । समूह ‘जी’ मा बार्सिलोना ६ अंक जोडेर शीर्षस्थानमा रहँदा युभेन्ट्स ३ अंकसहित दोस्रो स्थानमा रहेको छ । किएभ र फेरेन्कभारोसको समान १ अंक रहेको छ ।