एजेन्सी – कोलम्वियन फरवार्ड कार्लाेस बाकाले दुई गोल गर्नुका साथै अर्काे गोलको लागि असिस्ट दिएपछि स्पेनिस क्लब भिल्लारियलले युरोपा लिगमा लगातार तेस्रो जित निकालेको छ ।

बिहीबार राति इजरायली क्लब मक्कावी तेल एभिभमाथि ४–० को सहज जित हात पार्दै भिल्लारियलले लगातार तेस्रो जित दर्ता गरेको हो । थप दुई गोल एलेक्स बाइना र सब्सिच्युट फेर निनोको नाममा रह्यो ।

स्टेडियो सेरामिकामा खेलको चौथो मिनेटमा नै बाकाको गोलबाट भिल्लारियलले खेलमा अग्रता लिएको थियो । उनले ड्यानियल पारेजोको पासमा गोल गरेका थिए । ५२औं मिनेटमा जापनी मिडफिल्डर ताकेफुसा कुवोको पासमा बाकाले व्यक्तिगत दोस्रो गोल गर्दै भिल्लारियलको अग्रता दोब्बर पारे ।

७१औं मिनेटमा बाकाको पासमा एलेक्सले गोल गर्दै भिल्लारियललाई सहज जिततर्फ अघि बढाए । ८१औं मिनेटमा वैकल्पिक खेलाडी फेर निनोले गोल गर्दै भिल्लारियललाई ४–० को सहज जित दिलाए । पेर्भिस इस्टुपिनानको पासमा गोल गरेका फेर निनो ७४औं मिनेटमा बाकाको स्थानमा मैदान छिरेका थिए ।

लगातार तेस्रो जितसँगै भिल्लारियलको ९ अंक पुगेको छ । पराजित मक्कावीको ६ अंक छ । सिभास्परको ३ तथा क्वारावाग अंकविहीन छ । यही समूह ‘आई’ को अर्काे खेलमा टर्किस क्लब सिभास्परले अजरवैजानी क्लब क्वारावागमाथि २–० को जित निकाल्दै ३ अंक जोडेको हो ।

युरोपा लिग नतिजा

समूह ‘ए’ – योङ ब्वाइजविरुद्ध पीएफसी सिएसकेए (३–०), रोमाविरुद्ध सिएफआर क्लज (५–०)

समूह ‘बी’ – रापिड वेनविरुद्ध डुन्डल्क (४–३), आर्सनलविरुद्ध मोल्दे (४–१)

समूह ‘सी’ – हापोइल विर सिभाविरुद्ध लिभरकुसन (२–४), स्लाभिया प्रागविरुद्ध निस (३–२)

समूह ‘डी’ – बेन्फिकाविरुद्ध रेन्जर्स (३–३), लिच पोजनानविरुद्ध स्टान्डर्ड लिग (३–१)

समूह ‘ई’ – ओमोनिया निकोसियाविरुद्ध ग्रानडा (०–२), पाओकविरुद्ध पीएसभी इन्डोभेन (४–१)

समूह ‘एफ’ – रियल सोसिडाडविरुद्ध एजेट अल्कामार (१–०), रिजेका विरुद्ध नेपोली १–२)

समूह ‘जी’ – लेस्टर विरुद्ध ब्रागा (४–०), जोर्याविरुद्ध एइके एथेन्स (१–४)

समूह ‘एच’ – मिलानविरुद्ध लिल (०–३), सेल्टिकविरुद्ध स्पार्टा प्राग (१–४)

समूह ‘आइ’ – सिभास्परविरुद्ध क्वारावाग (२-०), भिल्लारियलविरुद्ध माकावी (४–०)

समूह ‘जे’ – लुडोगोरेट्सविरुद्ध टोटेनहम (१–३), रोयल एन्टवर्पविरुद्ध लास्क (०–१)

समूह ‘के’ – डाइनामो जाग्रिवविरुद्ध वल्फ्वर्गर (१–०), फियोनुर्डविरुद्ध सिएसकेए (३–१)

समूह ‘एल’ – होफेनहाइनविरुद्ध स्लोभन लिवेरेक (५–०), क्रेभेना जेभेज्दाविरुद्ध जेन्ट (२–१)