एजेन्सी – अन्तर्राष्ट्रिय मैत्रीपुर्ण खेलमा आज राति युरो तथा नेसन्स लिग च्याम्पियन पोर्चुगलले घरेलु मैदानमा एन्डोरासँग प्रतिस्पार्धा गर्दै छ ।

खेल लिसोवामा नेपाली समयअनुसार राति १ः३० बजे हुनेछ । घरेलु मैदानमा पोर्चुगल एन्डोरामाथि सहज जित निकाल्दै नेसन्स लिगको समूह चरणको बाँकी दुई खेलको लागि तयार रहेको संकेत दिन चहान्छ ।

टोलीका कप्तान तथा स्टार फरवार्ड क्रिस्टियानो रोनाल्डोले चोटका कारण एन्डोराविरुद्ध खेल्ने सम्भावना न्युन रहेको छ । रोनाल्डो नभएपनि टोलीसँग युवा स्टार खेलाडीहरुको बाहुल्यता रहेको छ ।

डिएगो जोटा, जोआओ फेलिक्स, बर्नाडो सिल्भा, आन्द्रे सिल्भा, ड्यानियल पोडेन्स, ट्रिन्काओ, रुवेन नेभेस, ब्रुनो फर्नान्डेस, विलियम कार्भाल्हो, जोओ मौटिन्हो, रुवेन डियास, नेल्सन सेमेडो ररुइ प्याट्रिसियो जस्ता खेलाडीहरुको साथ रहेको छ ।

एन्डोरासँग दुई खेल खेल्दा दुवैमा जित निकालेको पोर्चुगल सोही जितलाई निरन्तरता दिने दाँउमा हुनेछ । मैत्रीपुर्ण खेलपछि नेसन्स लिग ‘ए’ ३ मा रहेको पोर्चुगलले दुई महत्वपुर्ण खेलमा फ्रान्स र क्रोएसियासँग प्रतिस्पर्धा गर्दैछ । फ्रान्ससँग घरेलु मैदानमा १५ नोभेम्बरमा तथा क्रोएसियासँग १८ नोभेम्बरमा पोर्चुगलले प्रतिस्पर्धा गदैछ ।

समूहमा अपराजित रहेको पोर्चुगलको ४ खेलबाट १० अंक रहेको छ । अपराजित नै रहेको फ्रान्सको पनि १० अंक रहेको छ । क्रोएसियाको ३ तथा स्वीडेन अंक विहीन छ । यता, एन्डोरा पनि पोर्चुगललाई हराउने लक्ष्यमा हुनेछ ।