एजेन्सी – पेरिस सेन्ट जर्मेन (पिएसजी) का सुपर स्टार नेयमार पूर्व क्लब बार्सिलोना फर्कने सम्भावना कमजोर भइसकेको छ । तर, उनको र बार्सिलोनाबीचको प्रसंग भने पटक पटक बाहिरिने गरेको छ ।

एउटा सरुवाको विषय र अर्को कानुनी लडाई । यी दुई पक्षबीच ४४ मिलियन युरोका विषयमा कानुनी लडाई चलिरहेको छ । नेयमारका वकिलले बार्सिलोनासँग ४४ मिलियन युरो माग गरेका छन् ।

नेयमारले अघि पनि प्रतिनिधिमार्फत जुनमा अपिल गरेका थिए । तर त्यति बेला उनले नै बार्सिलोनलाई ६.७ मिलियन युरो तिर्नु पर्ने देखिएको थियो । सञ्चारमाध्यमहरुका अनुसारले पूर्व क्लबसँग ६० मिलियन युरोको माग गरेका छन् ।

अहिले पनि उनले क्लब छाड्नुअघिको सहमति अनुसार बोनसका रुपमा ४४ मिलियन युरो पाउने पर्ने थियो । नेयमार सन् २०१७ मा बार्सिलोना छाडेर पिएसजी पुगेका थिए । नेयमारले बार्सिलोना छाड्दा उनले पारिश्रमिक मात्र पाएको बताइन्छ । अब नेयमार र बार्सिलोनाबीचको मुद्दालाई क्याटोलोनियको उच्च अदालतले गर्नेछ ।

कानुनी लडाईं मुख्यत बोनसका रुपमा रहेको २६ मिलियन युरोका विषयमा रहेको छ । २०२१ सम्म नेयमार र बार्सिलोनाबीच भएको सम्झौतामा बोनसका विषयमा उल्लेख गरिएको थियो । तर, उनी पिएसजी गए त्यसपछि बार्सिलोनाले बोनस रकम नदिएको बताइएको छ ।

सुरुवाती दिनमा पिएसजीमा खुसी हुन नसकेका नेयमार पुनः बार्सिलोना फर्कने चर्चा चलेको थियो । पटक पटक भएका प्रयास असफल भएका थिए । पछिल्लो समय कोरोनाका कारण आर्थिक अवस्था बिग्रिएपछि बार्सिलोनाले नेयमारलाई फर्काउने प्रयास छाडेको छ । नेयमार पनि पिएजसीमै सम्झौता नविकरणका लागि तयार रहेको खबर सार्वजनिक भइसकेको छ ।