एजेन्सी – बार्सिलोनो अध्यक्षका लागि जनवरी २४ मा निर्वाचन हुने भएको छ । बिहीबार भएको बार्सिलोनाको बार्डले उक्त निर्णय गरेको छ । कोरोना भाइरसको महामारीलाई मध्यनजर गर्दै लामो समय लिएर निर्वाचन सम्पन्न गर्ने तयारी भइरहेको छ ।

स्वास्थ्य मापदण्डलाई ख्यामा राख्दै प्रतिस्पर्धीहरुबीच अर्को साता भेट हुँदैछ । निर्वाचनका लागि भिडभाड नगर्ने उद्देश्यका साथ अलग अलग ठाँउमा निर्वाचनका लागि मतपेटिका राख्ने तयारी भइरहेको बताइएको छ ।

बार्सिलोनाको मेनेजिङ बोर्डले अन्तिम १० दिनमा निर्वाचन प्रक्रिया सम्पन्न गर्ने लक्ष्य राखेको छ । जनवरी २४ निर्वाचनको अन्तिम दिन हुनेछ । औपचारिक रुपमा मिति तय भएपछि अन्तिम ४० दिनमा प्रक्रिया सुरु हुने बताइएको छ ।

अक्टुबर देखि बार्सिलोना नेतृत्व विहिन छ । क्लबको कमजोर प्रदर्शन र अनेक विवादका कारण तत्कालिन अध्यक्ष जोसेप मारिया बोर्टेमेउले पदबाट राजीनामा दिएका थिए ।

सात उम्मेदवार

क्लबको नयाँ अध्यक्ष परिवर्तन हुने भएपनि आकांक्षीहरुका बारेमा धेरै अघि देखि चर्चा सुरु भएको छ । औपचारिक रुपमा निर्वाचितको मिति घोषणा भएपछि उम्मेदवारको संख्या बढ्ने अपेक्षा गरिएको छ ।

अहिले सम्म ७ जनाले अध्यक्षको उम्मेदवारी घोषणा गरिसकेका छन् । जसमा जाभी भेलाजोना, भिक्टर फन्ट, टोनी फ्रिक्सा, अगष्टी बेनेडिटो, पेरे रियरा र लुइस फर्नान्डेज अला छन् ।