एजेन्सी – रियल म्याड्रिडका मिडफिल्डर लुका मोड्रिचको कोरोना परिक्षण नेगेटिभ आएको छ । क्रोएसियाली सहकर्मी डोमाजोग भिडालाई कोरोना संक्रमण भएपछि मोड्रिचलगायत टोलीको परिक्षण गरिएको थियो ।

ला लिगाको साविक विजेता टोली रियलमा मोड्रिचलाई कोरोना संक्रमण देखिने डर थियो । बुधबार टर्कीसँग खेल्नु एक दिन अघि भिडा र मोड्रिचलेसँगै तस्बिर खिचाएका थिए । टर्कीसँगको खेल रक्षक भिडा पनि खेलेका थिए । खेलकै दौरान उनलाई कोरोना संक्रमण भएको थाहा पाएपछि दोस्रो हाफ खेलेनन् ।

टोलीकै परिक्षणपछि इन्टरका मिडफिल्डर मार्सेलो ब्रोजोभिच र प्रशिक्षण टोलीका एक सदस्यलाई कोरोना संक्रमण पुष्टी भएको छ । क्रोएसियाले शनिबार नेसन्स लिगमा स्वीडेनको सामना गर्नेछ ।

‘भिडालाई संक्रमण देखिएपछि स्वीडेनको खेलका लागि टोलीका सबै सदस्यको परिक्षण गरिएको थियो, ‘क्रोएसियाली फुटबल महासंघले विज्ञप्तीमार्फत भएको छ, ‘परिक्षणपछि ब्रोजोभिच र प्रशिक्षण टोलीका सदस्यलाई पोजेटिभ देखिएको छ । दुवै जनालाई अहिले टोलीबाट अलग्गै आइसोलेसनमा राखिएको छ ।’

रियलका ३ खेलाडी आइसोलेसनमा
मोड्रिचको परिक्षण नेभेटिभ आएपछि उनले टोलीका अन्य सदस्य जस्तै आइसोलेसनमा जानु परेन । रियलका इडेन हाजार्ड, कासेमेरो र डर मिलिटो कोरोना संक्रमणका कारण आइसोलेसनमा रहेका छन् ।