एजेन्सी – बार्सिलोनाका ओसमाने डेम्बेलेलाई चोट लागेको छ । ला लिगामा शनिबार एट्लेटिको म्याड्रिडसँगको खेलका दौरान डेम्बेलेको काँधमा चोट लागेको थियो ।

पहिलो हाफमा चोट लागेपछि उनले खेलेका थिए । यानिक कारोस्कोसँग ठोक्किएर चोट लागेका कारण रोनाल्ड कोम्यानले पछि उनलाई परिवर्तन गरेका थिए । बार्सिलोनाले उनको चोटको अवस्थाका बारेमा जानकारी दिन बाँकी रहेको छ । सर्जी रोबेर्टेा र जेरार्ड पिके पछि डेम्बेलेलाई चोट लागेको हो ।

यद्दपी डेम्बेलेको चोट गम्भिर नभएको मानिएको छ । तर, पनि मंगलबार डाइनोभो किएभसँगको च्याम्पियन्स लिगको खेल गुमाउने सम्भावना रहेको छ । लगातार खेलाडी चोटग्रस्त हुँदा प्रशिक्षक कोम्यानको चिन्ता बढेको छ । टोलीका युवा फरवार्ड अन्सु फाती यसअघि नै घाइते भएका थिए ।

वान्डा मेट्रोपोलिटानोमा शनिबार राति एन्जल कोरेरासँग ठोक्किदै घुडामा चोट बोकेपछि ३३ वर्षीय पिकेले खेलको ६२औं मिनेटमा मैदान छाडेका थिए । उनको स्थानमा सर्जिनो डेस्ट मैदान छिरेका थिए ।

उनी कम्तीमा पनि ६ महिना मैदान बाहिर रहने क्लबले जनाएको छ । चोटकै कारण अन्सु फाती, स्यामुयल उम्टिटी र सर्जी रोबर्टाे टोली बाहिर रहँदा पिकेको चोटले बार्सिलोनालाई थप समस्या उत्पन्न हुने भएको छ ।

स्पेनिस डिफेन्डर पिकेले यस सिजन बार्सिलोनाका लागि १० खेलमा खेलेका छन् । जसमा ८ ला लिगा र २ च्याम्पियन्स लिग रहेको छ ।