आज राती भएको चेल्सी र लिभरपुलको खेलमा लिभरपुलले २-१को नतिजाले जीत आत्मसात गरेको छ । खेल चेल्सीको मैदान स्टाम्फर्ड ब्रीजमा भएको थियो । यो नतिजापछी लिगमा दुबै टोलिको समान दश अंक भएको छ ।
यो खेल भन्दा अगाडी यो सिजन एक खेलपनी नहरेको चेल्सी आफ्नो कप्तान जोन टेरी बिनै मैदानमा उत्रीएको थियो । आफ्नो बलियो ११ खेलाएको पाहुना टोलिले खेलको पहिलो हाल्फमै दुबै गोल गरेको थियो । लिभरपुलका लागि लोव्रेन १७औ मिनट र कप्तान हेन्डरसनले ३६औ मिनटमा गोल गरेका थिए ।
दोस्रो हाल्फमा खेलमा फर्किने केहि आशा देखाएको चेल्सीले ६२मिनटमा कोस्टाको गोल मार्फत खेल २-१ बनायो । खेलको अन्तिम ९ मिनटमा चेल्सीले ३ खेलाडी परिवर्तन गरेपनी नतिजा भने परिवर्तन गर्न सकेन । अब चेल्सीले आफ्नो अर्को खेल आर्सनलसँग खेल्ने छ भने लिभरपुलले हल सिटिको सामना गर्ने छ ।
