3 years ago
December 2, 2020
एजेन्सी – बेल्जियन फरवार्ड रोमेलु लुकाकुको दुई गोल सहयोगमा इटालियन क्लब इन्टर मिलानले युइएफए च्याम्पियन्स लिगको समूह चरणको पाँचौ राउन्डको खेलमा जर्मन क्लब बोरुसिया मोन्चेनग्लाडवाकमाथि ३–२ को रोमाञ्चक जित निकालेको छ । इन्टर मिलानको जितले समूह ‘बी’ बाट सबै चार टोलीको नकआउट चरण पुग्ने बाटो खुल्ला भएको छ । शीर्षस्थानको मोन्चेनग्लाडवाकको ५ खेलबाट ८ अंक […]
एजेन्सी – बेल्जियन फरवार्ड रोमेलु लुकाकुको दुई गोल सहयोगमा इटालियन क्लब इन्टर मिलानले युइएफए च्याम्पियन्स लिगको समूह चरणको पाँचौ राउन्डको खेलमा जर्मन क्लब बोरुसिया मोन्चेनग्लाडवाकमाथि ३–२ को रोमाञ्चक जित निकालेको छ ।
इन्टर मिलानको जितले समूह ‘बी’ बाट सबै चार टोलीको नकआउट चरण पुग्ने बाटो खुल्ला भएको छ । शीर्षस्थानको मोन्चेनग्लाडवाकको ५ खेलबाट ८ अंक छ । समान खेलबाटै साख्तर डोनेक्स र रियाल म्याड्रिडको ७ अंक रहँदा इन्टर मिलानले ५ अंक जोडेको छ ।
इन्टरको जितमा लुकाकुले दुई गोल गर्दा माटियो डार्मियनले एक गोल थपे । घरेलु टोलीका लागि एलासेन प्लेयाले दुई गोल गरेपनि हार टार्न सकेन । समूह चरणमा मोन्चेनग्लाडवाकको यो पहिलो हार हो । इन्टरसँगको हारसँगै बोरुसिया मोन्चेनग्लाडवाकले नकआउट चरण प्रवेशको लागि अर्काे खेल नै कुर्नुपर्ने भएको छ ।
बोरुसिया पार्क मोन्चेनग्लाडवाकमा मंगलबार राति भएको खेलमा इन्टर मिलानले खेलको १७औं मिनेटमा माटियो डार्मियनको गोलबाट अग्रता लिएको थियो । उनले रोबर्टाे गाग्लिआर्डिनीको पासमा गोल गरेका थिए । पहिलो हाफको इन्ज्युरी समयको थप गरिएको पहिलो मिनेटमा एलासेन प्लेयाले गोल गर्दै खेललाई १–१ गोलको बराबरीमा ल्याए ।
६४औं मिनेटमा मार्सेलो ब्रोजोभिकको पासमा रोमेलु लुकाकुले गोल गर्दै खेललाई २–१ को अवस्थामा ल्याए । ७३औं मिनेटमा लुकाकुले अचरफ हाकिमीको पासमा व्यक्तिगत दोस्रो गोल गरेपछि इन्टर मिलानले खेलमा ३–१ को अग्रता लिदै जिततर्फ अग्रसर बन्यो ।
७६औं मिनेटमा एलासेन प्लेयाले मार्कुस थुरामको पासमा गोल गर्दै घरेलु टोलीलाई खेलमा फर्कने संकेत दिए । ८३औं मिनेटमा प्लेयाले गोल गरेपनि उनी अफसाइड ठहरिदा घरेलु टोली बराबरीबाट चुक्यो ।
यही समूहको अर्काे खेलमा स्पेनिस क्लब रियल म्याड्रिड युक्रेनी क्लब साख्तर डोनेक्ससँग २–० ले पराजित भएको छ । रियालको हारका डेन्टिन्हो र मानोर सोलोमोनले गोल गरेका थिए ।
March 19, 2024
काठमाडौं (हाम्रो खेलकुद)- नेपाल पुलिस क्लबले आठौं आरबीबी एनभिए भलिबल च्याम्पियनसिपमा महिलातर्फ दोस्रो खेल जितेको छ। पुलिसले मंगलबार एभरेष्ट भलिबल क्लबलाई ३-२ ले हराउँदै दोस्रो जित निकालेको हो । हारका बाबजुद ३ खेलमा ७ अंक साथ एभरेष्ट सेमिफाइनलमा पुगेको छ। पुलिसले एभरेष्टलाई २५-२७, २५-१८, २७-२५,२७-२५, १५-९ ले हराएको हो । सोही समूहमा त्रिभुवन आर्मीले पहिलो […]
March 18, 2024
काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]
March 18, 2024
एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो । दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]