default_image

3 years ago

December 2, 2020

मुलरको गोलमा बायर्न हारबाट जोगियो

एजेन्सी – निर्धारित समयको खेल सकिन चार मिनेट बाँकी रहँदा थोमस मुलरले पेनाल्टीमार्फ गोल गरेपछि जर्मन क्लब बायर्न म्युनिख स्पेनिस क्लब एट्लेटिको म्याड्रिडसँगको हारबाट जोगिएको छ । बायर्न र एट्लेटिकोले १–१ गोलको बराबरी खेलेको हो । यो बराबरीले बायर्न च्याम्पियन्स लिगमा १६औं खेलसम्म अपराजित रहन सफल भएको छ । वान्डा मेट्रोपोलिटानोमा मंगलबार राति भएको खेलको […]

32 views

0 Bookmark

एजेन्सी – निर्धारित समयको खेल सकिन चार मिनेट बाँकी रहँदा थोमस मुलरले पेनाल्टीमार्फ गोल गरेपछि जर्मन क्लब बायर्न म्युनिख स्पेनिस क्लब एट्लेटिको म्याड्रिडसँगको हारबाट जोगिएको छ ।

बायर्न र एट्लेटिकोले १–१ गोलको बराबरी खेलेको हो । यो बराबरीले बायर्न च्याम्पियन्स लिगमा १६औं खेलसम्म अपराजित रहन सफल भएको छ ।

वान्डा मेट्रोपोलिटानोमा मंगलबार राति भएको खेलको छैटौ मिनेटमा जोआओ फेलिक्सको पासमा एन्जल कोरेयाको प्रहार गोलरक्षक नुवेलको हातमा पुगेको थियो । १०औं मिनेटमा कोकीको प्रहारलाई डेभिड अलवाले क्लियर गरिदिए । १४औं मिनेटमा मुसिएलाको पासमा चुपो मोटिङको प्रहार आकासिदा बायर्नले अग्रता लिन सकेन ।

२६औं मिनेटमा जोआओ फेलिक्सले गोल गर्दै घरेलु टोलीलाई १–० को अग्रता दिलाए । उनले मार्काेस लोरेन्टेको पासमा गोल गरेका थिए । ३५औं मिनेटमा कोकीको पासमा फेलिक्सको प्रहार गोलरक्षक नुवेलको हातमा पुग्यो । ३७औं मिनेटमा यान्निक कारास्कोको पासमा लोरेन्टेको प्रहार आकासिदा एट्लेटिको अग्रता दोब्बर पार्नबाट चुक्यो ।

५८औं मिनेटमा फेलिक्सको प्रहार क्रस बारमा लाग्दै बाहिरियो । ८६औं मिनेटमा सब्सिच्युट मुलरले पेनाल्टीम गोल गर्दै खेललाई १–१ गोलको बराबरीमा ल्याए । फिलिपेले मुलरलाई पेनाल्टी बक्समा फल गरेपछि रेफ्रीले बायर्नलाई पेनाल्टी प्रदान गरेको थियो ।

८९औं मिनेटमा लेमारको प्रहार बाहिरिदा एट्लेटिको जितबाट वञ्चित बन्यो । यो बराबरीले एट्लेटिकोको नकआउट चरण पुग्ने सम्भावना जीवितै रहेको छ । बायर्नले यसअघि नै समूह ‘ए’ को विजेता बन्दै अन्तिम १६ मा स्थान बनाइसकेको छ ।

शीर्षस्थानको बायर्नको ५ खेलबाट १३ अंक रहेको छ । एट्लेटिकोको ६ तथा तेस्रो स्थानको साल्जवर्गको ४ अंक छ । लोकोमोटिभ मस्कोको ३ अंक छ । यही समूहको अर्काे खेलमा साल्जवर्गले लोकोमोटिभ मस्कोलाई ३–१ ले पराजित गर्दै नकआउट चरण प्रवेश गर्ने सम्भावना जीवितै राखेको हो ।

समूह चरणको अन्तिम खेलमा अर्काे साता बायर्न र लोकोमोटिभ तथा साल्जवर्ग र एट्लेटिको म्याड्रिडबीच प्रतिस्पर्धा हुदैछ । साल्जवर्ग र एट्लेटिको म्याड्रिडलाई नकआउट चरण प्रवेश गर्न यो खेल निकै महत्वपुर्ण छ ।

एट्लेटिको म्याड्रिडलाई बराबरी नै नकआउट चरण प्रवश गर्न पर्याप्त रहँदा साल्जवर्गलाई निश्चित जितको खाँचो छ ।

March 19, 2024

पुलिससँग हारे पनि एभरेष्ट सेमिफाइनलमा

काठमाडौं (हाम्रो खेलकुद)- नेपाल पुलिस क्लबले आठौं आरबीबी एनभिए भलिबल च्याम्पियनसिपमा महिलातर्फ दोस्रो खेल जितेको छ। पुलिसले मंगलबार एभरेष्ट भलिबल क्लबलाई‌ ३-२ ले हराउँदै दोस्रो जित निकालेको हो । हारका बाबजुद ३ खेलमा ७ अंक साथ एभरेष्ट सेमिफाइनलमा पुगेको छ। पुलिसले एभरेष्टलाई २५-२७, २५-१८, २७-२५,२७-२५, १५-९ ले हराएको हो । सोही समूहमा त्रिभुवन आर्मीले पहिलो […]

March 18, 2024

बहराइन जान खोज्ने पदाधिकारीको नाम राखेपबाट अस्वीकृत

काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]

March 18, 2024

एट्लेटिकोलाई हराउँदै बार्सिलोना दोस्रो स्थानमा उक्लियो

एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो ।  दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]

Success

Thank you for your time.