default_image

3 years ago

January 18, 2021

लेवान्डोस्की र मुलरको गोलमा बायर्नको जित

एजेन्सी – पोलिस फरवार्ड रोबर्ट लेवान्डोस्की र जर्मन मिडफिल्डर थोमस मुलरको गोलसँगै जर्मन बुन्डेसलिगाको शीर्षस्थानमा रहेको बायर्न म्युनिखले फ्रेइवर्गलाई २–१ ले पराजित गरेको छ । घरेलु मैदान एलिएन्ज इरिनामा आइतबार राति भएको खेलमा फ्रेइवर्गका निल्स पिटर्सनले गरेको गोल सान्त्वना बन्यो । खेलको सातौ मिनेटमा रोबर्ट लेवान्डोस्कीको गोलबाट अग्रता लिएको थियो । सर्ज जिनाब्रीको पासमा थोमस […]

22 views

0 Bookmark

एजेन्सी – पोलिस फरवार्ड रोबर्ट लेवान्डोस्की र जर्मन मिडफिल्डर थोमस मुलरको गोलसँगै जर्मन बुन्डेसलिगाको शीर्षस्थानमा रहेको बायर्न म्युनिखले फ्रेइवर्गलाई २–१ ले पराजित गरेको छ ।

घरेलु मैदान एलिएन्ज इरिनामा आइतबार राति भएको खेलमा फ्रेइवर्गका निल्स पिटर्सनले गरेको गोल सान्त्वना बन्यो । खेलको सातौ मिनेटमा रोबर्ट लेवान्डोस्कीको गोलबाट अग्रता लिएको थियो । सर्ज जिनाब्रीको पासमा थोमस मुलर दिएको चलाखीपुर्ण वान टच पासलाई लेवान्डोस्कीले उत्कृष्ट फिनिस गरेका थिए ।

१६औं मिनेटमा रोलान्ड सल्लाईले अवसर खेर फाल्दा फ्रेइवर्ग बराबरीबाट चुक्यो । २४औं मिनेटमा डेभिड अलवाको पासमा सज जिनाब्रीको प्रहारलाई फ्रेइवर्गका गोलरक्षक फ्लोरियन मुलरले बचाए ।

५८औं मिनेटमा लेवान्डोस्कीको प्रहार क्रसबारमा लागेर फर्कदा र त्यसपछि लियोन गोरेट्जकाको प्रहारलाई गोलरक्षक फ्लोरियनले बचाएपछि बायर्न अग्रता दोब्बर पार्नबाट चुक्यो ।

६२औं मिनेटमा निल्स पिटर्सनले मैदान प्रवेश गरेको पहिलो मिनेटमा पहिलो टचमा गोल गर्दै खेललाई १–१ गोलको बराबरीमा ल्याए । कर्नरबाट आएको बललाई निकोलस होफ्लेरले फ्लिक गरेको हेडरलाई उनले हेडरमार्फत नै गोल गर्न सफल भएका थिए ।

७४औं मिनेटमा थोमस मुलरले गोल गर्दै बायर्नलाई २–१ को अग्रता दिलाए । किङ्सले कोमानले क्रस गरेको बललाई लिरोए साने पेनाल्टी बक्समा मिलाइदिएको पासलाई मुलरले उत्कृष्ट फिनिस गरेका थिए ।

७८औं मिनेटमा लेवान्डोस्कीले अर्काे सुवर्ण अवसरलाई सदुपयोग गर्न सकेनन् । त्यसपछि थप गोल निस्कन नसक्दा बायर्न विजयी हुन सफल भयो ।

यो जितसँगै बायर्नले शीर्षस्थानमा ४ अंकको अग्रता कायम गरेको छ । बायर्नको १६ खेलबाट ३६ अंक पुगेको छ । समान खेलबाटै दोस्रो स्थानमा रहेको आरबी लाइप्जिगको ३२ अंक छ । पराजित फ्रेइवगै २३ अंक जोडेर आठौं स्थानमा रहेको छ ।

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

March 27, 2024

बेलिङहमको गोलमा इंग्ल्यान्ड हारबाट जोगियो

एजेन्सी – स्पेनिस क्लब रियल म्याड्रिडका मिडफिल्डर जुड बेलिङहमले अन्तिम समयमा गोल गरेपछि अन्तर्राष्ट्रिय मैत्रीपूर्ण खेलमा इंग्ल्यान्ड हारबाट जोगिएको छ । घरेलु मैदानमा इंग्ल्यान्डले बेल्जियमसँग २–२ गोलको बराबरी खेलेको हो । एक गोल इभान टोनीले गरे । बेल्जियमका लागि दुवै गोल युरी टिलेमान्सले गरेपनि जितको लागि पर्याप्त भएन । वेम्वली स्टेडियम लन्डनमा मंगलबार राति भएको […]

Success

Thank you for your time.