हाम्रो खेलकुद – फ्रेन्च लिग १ अन्तर्गत आइतबार भएको निस र लोरियन्च बिचको खेलमा मारियो बालोटेलीले विजयी गोल गरेपछि रातो कार्ड पाएका छन्।
निसको लागि ८६औं मिनेटमा विजयी गोल गरेका मारियोले लगत्तै जर्सी फुकालेर सेलेब्रेशन गरेपछि रेफ्रिले उनलाई पहेंलो कार्ड देखाएका थिए। दोश्रो हाफको अतिरिक्त समयको दोश्रो मिनेटमा बालोटेलीले विपक्षी खेलाडीसंग भनाभन गरेपछि दोश्रो पहेंलो पाउँदै मैदान छाडेका थिए।
लिभरपुल छाडेर निस आएयता फर्ममा रहेका बालोटेलीले अर्को खेल गुमाउने छन्। हालसम्म अपराजित रहेके निस लिगको शिर्षस्थानमा रहेको छ।
